Yeni Azərbaycan Partiyasının (YAP) Milli Məclisdə təmsil olunan deputatlarının iclası başa çatıb.
Adalet.az xəbər verir ki, iclas partiyanın mərkəzi qərargahında keçirilib. Toplantıda YAP Siyasi Şurasının bu gün keçirilən iclasında qəbul edilən qərar müzakirəyə çıxarılıb.
Partiya üzvlərinin yekun qərarı yaxın saatlarda açıqlanacaq.
Qeyd edək ki, bu gün Yeni Azərbaycan Partiyasının (YAP) Siyasi Şurası
Milli Məclisdə təmsil olunan üzvlərinə parlamentin buraxılması ilə bağlı təşəbbüslə çıxış etməyi tövsiyə edən qərar qəbul edib.