Əbülfət MƏDƏTOĞLU: DAN ÜZÜNÜN İSTƏYİ
Qopmuşam, külək əlində
Yarpağam, yarpağam, yarpaq...
Qoyma ayaqaltı olum -
Sıx məni bağrına yar, bax...
Gör necə ovulur ruhum
Hər ögey baxış altında...
Döyülmüş uşaq tək durdum -
Qəm adlı yağış altında...
Əlimi açdığım Allah,
Dilimin döndüyü adın...
Bu sevgini yaşamağa -
Məni sən doğmusan, QADIN!
Anladıqca BİRİ , səni
Çəkilir gözümdən tor, bax...
Sevgisiz buraxma məni, -
Qucağın açıbdı torpaq...
Digər Xəbərlər
18 Mart 2024 12:58