Dünyada bir xarici tələbənin ölkəyə gətirdiyi illik vəsait ortalama 25 min dollardır.

Türkiyədə bu 4-30 min dollar arası dəyişir.

Azərbaycanda bir xarici ölkələrdən gəlmiş tələbənin xərclədiyi pul illik 4-10 min dollar təşkil edir.

Azərbaycana daha çox Türkiyə, Rusiya, İran kimi ölkələrdən tələbələr gəlir.

Amma daha çox potensiallı ölkələr Pakistan, Qazaxıstan, Türkmənistan, Monqolustan və Ərəb ölkələridir.

Ölkəmizə gələcək xarici tələbələrin sayını artırmaq lazımdır. Bu ölkəyə gələn gəlirin də artmasına səbəb olar.

Bu gün ölkəmizdə 5 minə yaxın xarici ölkələrdən gəlmiş tələbə var. Amma Azərbaycandan kənarda təhsil almağa gedənlərin sayı 40 min nəfərdən çoxdur. Bu həm xaricə vəsait axını, ucuz işçi qüvvəsinin axını, beyin axını deməkdir.

Azərbaycanın turizm gəlirləri isə 2018-ci ildə 2.6 milyard dollar olub. Turistlərin sayı isə 6% artaraq 2.8 milyon olub.

Amma xaricdə 40 min təhsil alanın ölkədən kənara apardığı vəsaitin miqdarı daha çoxdur.
Düşünürəm ki, ölkəyə xaricdən tələbə qəbulunda yeni başlanğıca ehtiyac var.

Bunun üçün öz xidmətimi təmənnasız olaraq təklif edirəm.

Əminliklə deyə bilərəm ki, 1 il ərzində ölkəyə gələcək xarici tələbələrin sayını 15 minə qədər qaldırmaq olar. İndiyə qədər kənardan gələn tələbələrin sayının 6 mindən çox olmadığını nəzərə alsaq, pis nəticə olmaz.

2 ildir ki, "Study in Azerbaijan" layihəsini həyata keçirmək üçün qapı - qapı gəzirəm. Proqram təminatı, resurs, kadr potensialı tam şəkildə hazırdır. Amma heç kim bunda maraqlı deyil. Baxmayaraq ki, prezidentin bununla bağlı bir neçə sərəncam və fərmanı var.

Əvəzində təklif etdiyim layihəni Türkiyə və Ukrayna Universitetləri bəyənib qəbul etdi və 6 ayərzində müsbət nəticəsini də görürlər.