Tez-tez yutubda Qarabağla bağlı videolara baxıram. Qorxuram ki, unudaram başımıza gətirilənləri. Ermənilərin bir videosu çıxdı rastıma. O vaxt Xankəndidə çəkilib. Ərazini tutublar, gəzişirlər. Ətraf bizimkilərin cəsədlərilə doludur. Bir tankımız da partladılıb. Ermənilər gəlir, həmin tankda yanıb kül olan cəsədlə oynayırlar, bir-birilərinə nəsə deyirlər. Sonra yenə gəzirlər. Biri döyüşçümüzün yerdə qalmış cəsədinin üstünə qoyur ayağını. Qarnından ayağıyla basıb sıxır. Nəsə deyir. Sonra başqa bir cəsədimizin yanına gəlirlər. Soyundurulub. Bədəni gömgöydü. Uzaqdan erməninin biri gəlib qəfil başına bir təpik ilişdirir döyüşçümüzün cəsədinin. Sonra ermənilər gülüşürlər. Bu kadrı görəndə dik atıldım, o ki var söydüm, söydüm, gözlərim doldu. Sonra erməninin biri o biri cəsədimizə yaxınlaşdı. Döyüşçümüzün başı yox idi. Çox güman onun başına pul qoyubmuşlar. Çox ağır kadrlardır. Normal adam o videoya gözlərini zilləyib baxa bilməz. Mütləq qorxusundan bir əliylə gözlərini ttacaq, ya da üzünü yana çevirəcək. Youtube-da "Footage from Nagorno-Karabakh War (1988-1994)" yazın, baxın. Videonun sonunda zurna-balabanlı mahnı sədaları altında təşkilatlanmış erməni bicləri yürüş edirlər. Hamısı da tam silahlı. Yol üstündən dəfələrlə gedib-gəlinmiş, yerə yapışmış cəsədlərlə dolu.