Baxın, bu fotoda gördüyünüz uşaqlar bizim Məmləkətin balalarıdır. Bilmirəm, bu tip "bayramları" bizə sırımaq istəyənlər nə məqsəd daşıyırlar. Amma bu ya pis niyyətlə, ya da qanmazlıqdan atılan addımdı, məncə. Və vər iki halın qarşısı alınmalıdır. 

Düzdü, dünyada ölüləri ilə müxtəlif - hətta maskarad xarakterli rəftar edən millətlər, xalqlar var. Kimisi 50 illiyində ölüsünü çıxardıb yenidən dəfn edir, kimisi evlənəndə ölülərinin skiletini çıxardıb masaya oturdur və s. Olsun, eləsinlər. Amma biz ölüsü ilə ciddi davranan, əcdadlarını mskarad, karnaval predmetinə çevirməyən toplumlardanıq. Və belə radikal təşəbbüslər bizə heç vaxt yaxşı nəsə vəd edə bilməz, çünki mahiyyəti bizim mahiyyətimizlə daban-dabana ziddir. 

Mənim dediklərim kimə pafoslu fikir kimi görünürsə, bir anlıq təsəvvür etsin ki, nəticəsi onun özünün, ya da babasının qəbrini açıb, skiletini məsxərəyə qoyulacaq şəkildə camaata nümayiş etdirir. Niyə də yox? Bu gün budursa, saba o niyə olmasın ki? Ona görə də hətta uşaqların valideyni belə istəyirsə də, ictimai mühitlərdə bu cür təşəbbüslərə yol verilməməlidi. Onsuz da kənardan mətbəximizə soxuşdurulan müxtəlif ərzaq məhsulları ilə genefondumuz yetərincə korlanır. Bir tərəfdən də təfəkkürümüzə belə hücuma yol verilmək çox təhlükəlidir. 

Dövlətin müvafiq orqanları da bu işlə ciddi məşğul olmalıdılar. Təkcə dövlət müəssisələri deyil, özəl müəssisələr də Azərbaycan qanunlarına tabedilər, mövcud qanunlar bu kimi təşəbbüslərə sirayət etməlidir. Bunu nə fikir, nə də özünü ifadə azadlığına aid etmək olar. Uşaqları özgələşdirmək və milli byramlarımız az qala sıradan çıxdığı bir vaxtda belə bayramları milliləşirməyə cəhd birbaşa milli təhlükəsizlik məsələsidir.