adalet.az header logo
  • Bakı 13°C
  • USD 1.7
01 Noyabr 2019 10:45
21236
ƏDƏBİYYAT
A- A+

Əbülfət Mədətoğlu: ÜRƏYİM...

Xışlanır səs - səmirsiz
Görüş yeri - ürəyim...
İndi olub dərdlərə -
örüş yeri - ürəyim!..

Bu ağır daşlarıma...
Çatılmış qaşlarıma,
baxıb . göz yaşlarıma -
Yeriş yeri . ürəyim!..

Ömürmü var, həsr edəm
Bir alınmaz qəsr edəm?!
Sən olmusan həsrətə -
Bir iş yeri, ürəyim!..

Acıya da, bala da
Dilliyə də, lala da...
Yaşadığım hala da -
Giriş yeri ürəyim...

Əbülfət eşq yolunda
Görüb ölüm - olum da!
Hələ qalır qolunda -
Kiriş yeri , ürəyim...