adalet.az header logo
  • Bakı 12°C
  • USD 1.7
25 Oktyabr 2019 12:22
13979
HADİSƏ
A- A+

Bakıda karxanada faciə - 58 yaşlı kişi kombaynın altında qalıb öldü

Bakıda daş karxanasında ölüm hadisəsi baş verib.

Adalet.az Trend-ə istinadən xəbər verir ki, hadisə paytaxtın Qaradağ rayonunda qeydə alınıb.

Qaradağ rayonu, Səngəçal qəsəbəsində, "Karvansaray" əhəng daşı karxanasında kombaynçı-maşinist işləyən Şəki rayon sakini, 1961-ci il təvəllüdlü Əhmədov Əliəfsər Qurban oğlu karxanada işləyərkən işlətdiyi daşkəsən kombayn relsdən çıxıb.

Ə.Əhmədov kombaynı relsin üzərinə qaldırmaq istəyərkən həmin kombayn hərəkətə gəlib. Nəticədə Ə.Əhmədov kombaynın altında qalaraq ölüb.

Faktla bağlı Qaradağ Rayon Prokurorluğunda cinayət işi başlanıb.