Böyük suallar çoxdu , amma mən dedim dıqqılısını verim ki, bəlkə cavab verə bildilər.

Düzdür, adətən həmişə tənqid elədiyim Xarici İşlər Nazirliyi səfirlərə verəcəyim suallarla bağlı çox ciddi bəyanat verdi. Amma mənim sözüm bizim həmin ölkələrdəki səfirlərimizədi. Azərbaycanda 19 oktyabrda icazəsiz mitinq keçirildi. Mitinqin təşkilatçılarına dəfələrlə xəbərdarlıq edilməsinə baxmayaraq, qərarlarından çəkinmədilər. Nəticədə də polis öz vəzifəsini yerinə yetirərək icazəsiz mitinqin qarşısını aldı.

ABŞ-ın Azərbaycandakı səfirliyi də icazəsiz mitinqlə bağlı sərt bir bəyanat verərək ölkəmizi insan haqlarını pozduğuna görə ittiham etdi və sair və ilaxır.

Neçə vaxtdır İspaniyada, Fransada və eləcə də Belçikada etiraz mitinqləri keçirilir. Və polisin mitinq iştirakçılarına qarşı necə vəhşicəsinə davrandıqlarını görürük. Hətta mitinq iştirakçılarını atlarla tapdalayırlar.

Hörmətli səfirlər, sizlər də bu məsələlərlə bağlı, yəni həmin ölkələrdə insan hüquqlarının vəhşicəsinə tapdanması ilə bağlı, heç olmasa mənim dıqqılı sualım kimi dıqqılı bir bəyanat vermisinizmi?!