Əbülfət MƏDƏTOĞLU: GÜNÜMÜN GERCƏKLİYİ
Qapımı sübhdən kəsən
Dərd diləyə gəlibdi...
Qoymayıb soruşum ki,-
Bilim , nəyə gəlibdi?!
Günüm ayla barışıb,
Qəm canıma darışıb...
Üstəlik də qarışıb -
O, küləyə gəlibdi...
Kipriyimdən od çaxıb
Od yandırıb, od yaxıb...
Bəlkə də mənə baxıb -
Lap gülməyə gəlibdi!!
Cavabsız çox çağrı var
Dərdin də öz sağrı var!
Çək Əbülfət, ağrılar -
Çək, ürəyə gəlibdi!