adalet.az header logo
  • Bakı 12°C
  • USD 1.7
08 Oktyabr 2019 12:31
26469
SİYASƏT
A- A+

Vahid Əhmədovdan yeni Baş nazir olacaq Əli Əsədova - TƏKLİFLƏR

Əli Əsədovu biz uzun müddətdir ki, tanıyırıq. O, 20 ildən artıqdır ki, Prezident Administrasiyasında çalışır. Onun Azərbaycanda aparılan iqtisadi islahatlara verdiyi töhfə böyükdür.

Bunu Milli Məclisin iclasında deputat Vahid Əhmədov deyib.

O, Ə.Əsədova bəzi təkliflər də verib.

"Xahiş edirəm ki, deputatların verdiyi təkliflərə, qaldırdığı məsələlərə diqqətlə baxasınız, müvafiq tapşırıqlar verəsiniz. Deputatların telefon zənglərinə vaxtında cavab verilməsi məsələsinə də baxmağınızı xahiş edirəm”, - deyə V.Əhmədov bildirib.

Deputat Ə.Əsədova təklif edib ki, Baş nazir olandan sonra qeyri-neft sektorunun inkişafına daha çox diqqət ayrılsın.

V.Əhmədov onu da əlavə edib ki, Hesablama Palatasının rəylərinə də diqqətlə baxılması vacibdir.