adalet.az header logo
  • Bakı 11°C
08 Oktyabr 2019 12:18
54555
MƏDƏNİYYƏT
A- A+

Səhhəti pisləşən Xalq artisti: “Artıq yaş öz sözünü deyir”

"Hələ də xəstəxanadayam. Artıq yaş öz sözünü deyir, orqanizm müalicəyə tabe olmaq istəmir”

Adalet.az xəbər verir ki, bunu Azvision.az-a açıqlamasında səhhətində problem yaranan Xalq artisti Ofeliya Sənani deyib. O, hazırda müalicə aldığını, həkim nəzarətində olduğunu bildirib.
"Həkimlərimdən çox razıyam. Qayğıma qalırlar, səhhətimlə ciddi maraqlanırlar. Çox savadlıdırlar, diaqnozu düzgün qoyurlar, yaş da sözünü deyir. Bədən müalicəyə tabe olmaq istəmir. Bundan sonra da zəiflik olacaq”.

Tanınmış diktor vurğulayıb ki, onun yeganə arzusu sağlamlığına qovuşmaqdır: "Bu yaşda əsas sağlamlıqdır. Adamın bir yeri ağrıyanda dünya gözünə görsənmir. Amma dözümlü, mübarizə olmaq lazımdır. Onda xətəliyə qalib gəlmək olur”.

Qeyd edək ki, Xalq artisti Ofeliya Sənani oktyabrın 5-də kəskin miokard infarktı diaqnozu ilə Respublika Diaqnostika Mərkəzinə yerləşdirilib. Müayinələr nəticəsində infarkt təsdiqlənməyib. Hazırda hipertonik kriz diaqnozu (arterial təzyiqin kəskin şəkildə yüksək səviyyəyə qalxması) ilə stasionar müalicəsi davam etdirilir.