Keçmiş icra başçısı SOCAR prezidentindən yazdı
Xalqımızın tarixin sınağından çıxmış çoxsaylı ibrətamiz məsəlləri var. Onlardan biri də mərdi qova-qova namərd etmək niyyəti barədə qınaqdır. Mən də belə bir niyyətin ortada olduğunu görərək səssiz qala bilmədim və sizə müraciət etməkdə də yeganə məqsədim şəxsən özümün qarşılaşdığım bir neçə məqamı çoxsaylı oxucularınızla paylaşmaqdır. Mühakimə yürütməyi onların ixtiyarına və vicdanına buraxıram.
Mən
2009-2014 cü illərdə Ağdam rayonun icra hakimiyyətinin başçısı olmuşam.
5 illik fəaliyyətim dövründə SOCAR prezidenti Rövnəq Abdullayev
haqqında o qədər xoş xatirələrim və minnətdarlıqla xatırlanacaq
məqamlarla rastlaşmışam ki, indi kimlərinsə onu Qarabağ əlillərinə qənim
kəsilmiş qoçu dəstəsinin başçısı və ya didərginlərə divan tutan
harınlamış məmur kimi ictimaiyyətə sırınmasından, xüsusən də ölkə
rəhbərliyinin gözündən salınması cəhdlərindən təəssüf və narahtçılığımı
ifadə etməyi özümə mənəvi borc hesab etdim.
İcra
başçısı işləməyə başlayandan dərhal sonra rayondakı qazlaşma faizindən
şoka düşərək telefon vasitəsilə Rövnəq müəllimə vəziyyətlə bağlı ətraflı
məlumat çatdırdım. Təsəvvür edin ki, həmin dövrədək Ağdam rayonunun
işğalda olmayan ərazisində cəmisi 250 abonent qazla təmin edilmişdi. Ona
bu rəqəmi deyəndə doğrusu heyrətləndi və ən qısa zamanda Ağdama qaz
çəkilişi ilə bağlı xüsusi tapşırıq verəcəyinə söz verdi. Qısa zamanda
"Azəriqaz"ın rəhbəri Əkbər Hacıyevə göstəriş verildi və təsəvvür edin
ki, Naxçıvanda qaz çəkilişi ilə məşğul olan 100 nəfərdən ibarət peşəkar
bir qrupu Muxtar Respublikadan yarımçıq çıxararaq Ağdama göndərdilər.
Yadımdadır ki, iş icraçısının adı Məhəmmədəli idi və onun rəhbərlik
etdiyi qrup 9 ay ərzində 16 min abonentə qaz xətti çəkdi. Özü də nəinki
Quzanlıya və yaxın kəndlərə, hətta erməni səngərlərinin bir neçə yüz
metrliyində olan Əfətli kəndinə də qaz çəkildi. Təsəvvür edin ki, 9 ay
ərzində Röpvnəq Abdullayev düz 4 dəfə Ağdama gəldi və işlərin gedişi ilə
maraqlandı. Hətta bir dəfə mənə məruzə elədilər ki, Rövnəq müəllim
rayon ərizisində qaz xəttinin çəkilişi ilə bağlı vəziyyəti yerindəcə
öyrənmək üçün belə deyək ki, gizlicə gəlib. İnanmadım ki niyə mənim
xəbərim olmayıb. Gedib görüşdüm və niyə xəbər etmədyini soruşanda dedi
ki, sizi narahat etmək istəmədim, özüm gəlib yerindəcə tanış olmaq
istədim işlərin gedişi ilə bağlı.
Mən Rövnəq
Abdullayevə 16 Qarabağ qazisi və şəhid ailə üzvünün açıq ürək əməliyyatı
ilə bağlı müraciət etmişəm. Onların hər birinə heç kimdən bir manat
alınmadan ən yüksək səviyyədə qayğı göstərilib və Mərkəzi Neftçilər
Xəstəxanasında kardiocərrah Rəşad Mahmudovun şəxsi iştirakı ilə ən ağır
əməliyyatlar uğurla həyata keçirilib. Rövnəq müəllim həmin xəstələrin
hər biri ilə şəxsən maraqlanıb.
Yadımdan
çıxmayan bir məqamı da diqqətə çatdırmaq istəyirəm. Həmin Əfətli
kəndindəki mavi qaz verilməsi mərasimində çıxış edəndən sonra bir
vətəndaşımızın evində çay süfrəsinə dəvət aldığından oturub birlikdə bir
çay içməli olduq. Rövnəq müəllim evə baxdı ki, televizor yoxdur və
onunla birgə gələnlərə tapşırdı ki, bu gün bu evə bir televizor
göndərilsin. Evin xanımı irəli çıxıb etirazını bildirdi ki, Rövnəq
müəllim, biz köçkün deyilik və bizə televizor almağa heç gərək yoxdur.
Xanımın bu sözü onu çox mütəəssir etdi və hətta bir az da kövrəltdi. Mən
etiraz etdim ki, özüm televizoru təmin edəcəm, amma razılaşmadı, tədbir
başa çatandan bir neçə saat sonra mənə məlumat verildi ki, həmin ailəyə
çox bahalı bir televizor hədiyyə edilib.
Bu
gün hamının Ağdam rayonun girişində qürurla izlədiyi möhtəşəm bayraq
meydanını və ərazidəki parkı da SOCAR prezidenti icra başçısı işlədiyim
dövrdə Ağdam rayonunun əhalisinə hədiyyə edib. Bu gün həmin meydanda
dalğalanan bayraq işğal altındakı bir çox Ağdam kəndlərindən də appaçıq
görsənir. Sözümün canı odur ki, qarabağlılara, ağdamlılara, Qarabağ
Qazilərinə bu cür hörmət və ehtiram göstərən bir adam vətənpərvər olmaya
bilməz və elə bir mərd adamı namərd kimi təqdim etmək haqqa zülm və
Allaha qarşı qiyamdır. Elə hesab edirəm ki, haqq nazilsə də üzülməz və
həqiqət yerini tapar.
Nizami Sadıqov, Ağdam rayon İcra Hakimiyyətinin keçmiş başçısı
Digər Xəbərlər
25 Aprel 2024 14:34