Əbülfət MƏDƏTOĞLU: TRABZONDAN SƏSLƏNMƏ
Gəl al, bu lal gecədən
Qaranlıqdan , sən məni...
Sığındığım köşədən -
Piranlıqdan sən məni...
Al, bu ruhum susalan
Göz yaşıma bulanan...
Kipriklərim sulanan -
Şoranlıqdan , sən məni!
Ulduz saydım ...tək-tükdən
Asılaraq tək, tükdən!
Yaşatdığın təklikdən -
Viranlıqdan , sən məni!
Düşünmə ki, getmisən
Ayrılığa yetmisən!
Özününkü etmisən -
Yarandıqdan sən məni!