Bakı 15°C
Vaqif Bayatlı Odər: Allahın ətəyində yetimlərə yer qalmayıb
Daha heç kim heç nə istəməsin bu dünyadan,
Baxıb, baxıb yandım halınıza,
İstədiklərinizin hamısını ürəyimdən kəsib,
Ürəyimdən düzəldib verdim hamınıza.
Qorxmayın, gecələr də yatmaram daha,
Dayanaraq başınız üstdə əsə-əsə.
Qorxuram bircə an yumam gözlərimi,
Xoşbəxtliyinizdən azala nəsə.
Ancaq, Siz Allah, bəsdi, bəsdi daha,
Buraxın sızıldamağı, ağlamağı, ahı.
Hər gün nəsə istəyib yenə
Narahat etməyin Allahı.
Sizin əlinizdən Allahın ətəyində də
Yer qalmayıb yetimlərə, yazıqlara daha,
Nolar, bir az da siz rəhm eyləyin Allaha.
Qoyun çiçəklərin Allahtək açdığı bu yaz,
Açdırdığı çiçəklərə baxsın doyunca,
Rahat olsun Allah da bir az.
Xoşbəxtlik -- xoşbəxt olmaq deyil,
Öz ürəyində xoşbəxt eləməkdir hamını,
Hamını hamının ürəyində xoşbəxt etməyincə
Əl çəkən deyiləm sizdən,
Ha deyinin, ha deyin bu adam divanədi, dəlidi,
Bilin, hamını bir ürəkdə xoşbəxt eləmək,
Hamıdan xoşbəxt olmaqdan irəlidi.
Digər Xəbərlər
19 Aprel 2024 19:37
“Bakcell”in Baş İcraçı Direktoru Xankəndidə jurnalistlərlə görüşüb - FOTOLAR
19 Aprel 2024 17:22
Vilayət Eyvazov Kollegiya iclası keçirdi - FOTOLAR
19 Aprel 2024 11:19
İsmayıllıdakı bazarda nöqsanlar aşkarlandı
19 Aprel 2024 10:17
“ASAN xidmət” BMT ilə yeni layihəyə başlayır
18 Aprel 2024 15:06
Vardanyanla bağlı Norveç Nobel Komitəsinə AÇIQ MƏKTUB
18 Aprel 2024 13:39
Türkiyə-Rusiya Birgə Monitorinq Mərkəzinin fəaliyyəti dayandırılacaq
18 Aprel 2024 12:32
"Düşmənin ordusu qorxaqdır, amma biz qorxaq millət deyilik"-deyən erməni polkovnikə CAVAB
18 Aprel 2024 12:28
