Əbülfət MƏDƏTOĞLU: BÜTÜN GÜNAHLAR...
Əsəbini gücə salıb
ürəyini oxlayırsan...
öz- özündən qisas alıb -
dözümünü yoxlayırsan...
Düşünürsən , dönüb gedər
qoşalaşmaz bir də bu yol...
bir kibrit tək sönüb gedər -
başlar - bitər pirdə bu yol....
Zaman ötür - dən çoxalır
hisslər də budanır hərdən
ürək də aşkar yuxalır -
başına fırlanan pərdən!
Bütün bunlar bil qacılmaz
olacaqlar hələ öndə...
qərar vermə - tay acılmaz -
olmayacaq belə gün də!..
Könlün hər nə var böləcək
təkcə gün ahından başqa...
bütün günahlar öləcək -
sevgi günahından başqa!..