Canlanır ruhumda dağım - daşım da
Dolaşır necə cür fikir başımda...
Qardaş məmləkətdə qoca yaşımda -
İcimdə qaralan közüm sevinir..

Ruhum qanadlanır, qəlbim atlanır
Önümdə dərd cökür, kədər qatlanır...
Canım təpərlənir və inadlanır -
Ayaqda saxlayan dözüm sevinir...

Bənzəyir bu yerlər nur pətəyinə
Uzatsan yetişər əl ətəyinə...
Bir anlıq Sus!- deyib qəm tütəyinə -
İstədim bağıram - sözüm sevinir!

Nə xoşdu ziyarət fikir bölənə
Zikir bacarana, zikir bölənə...
Əlimi acmışam , Şükür!- bölənə -
Əbülfət qədər də özüm sevinir!..