XRUŞŞOVA DA POMİDOR ATMIŞDILAR
Nikita Serqeyeviç Amerikada olanda BMT-nin binasına gedərkən ona pomidor atmışdılar. O da baş barmağını başına qoyub əl işarəsi ilə bildirmişdi ki, sənin başın xarabdı və gülmüşdü.
Srağagün də CHP-nin başkanı Kılıçdaroğlu Kuşadasında çıxış edərkən Xruşşova pomidor atan səfeh kimi bir adam onu yumurta atəşinə tutub.
Aparıblar polisə. O da deyib:
- Məni tuta bilməzsiz. Heç üç-dörd ay bundan əvvəl şəhid dəfnində onu basıb döydülər, döyənlərə nəinki güldən ağır söz dedilər, hətta onu qəhrəman adlandırıb hökumət adamları onunla şəkil çəkdirib.
Polislər də deyib:
- Düz deyirsən, qardaş. Üzr istəyirik, gedə bilərsən.