Bakı 22°C
Əbülfət Mədətoğlundan yeni şeir: SUSQUNLUĞUN YOZUMU
Bu anda susqunluğum -
Öz - özümə vidadı...
Həyatla aramızda -
Kövrək bir əlvidadı...
Gecə - gündüz bilmədən -
Ahım oldu zil , nədən?..
Ömrüm keçən ilmədən -
Uzanan əl - butadı!..
And verdim sənə pir, gə
Qalmadı daha sirr, gə...
Məni zamanla birgə -
Zərif bir əl budadı!..
Arı uçan pətəkdən
Gəzdim ümid və tək dən!
Bir əl tutub ətəkdən -
O biri əl -Vidadı!
