Əbülfət MƏDƏTOĞLU: VƏTƏNDƏ VƏTƏNSİZLİK NİSGİLİNİN ŞEİRİ
Gözlərinin duzunu
Sıx, yaramın üstünə...
Qaysaqlar cadarlayıb -
Çıx , yaramın üstünə...
Sellənib gəlir odu
Batırar, məni o , su!
Qopartdığı kol - kosu -
Yığ, yaramın üstünə...
Kiprikdəki yaşı da
Ad yazılan daşı da...
Həsrətlə savaşı da -
Yıx , yaramın üstünə!
Şüşə ürək ta sınsın...
Sözüm səsdən asılsın...
Möhür kimi basılsın -
Tuğ, yaramın üstünə!