"Aqil Abbasın aprel döyüşləriylə bağlı ssenarisi ora təqdim olunsa da nədənsə qəbul olunmayıb"
"Biz özümüz bu istiqamətdə işləyirik və hələ ki, adamların adlarını çəkmək istəmirəm”
Adalet.az xəbər verir ki, bunu
Moderator.az-a açıqlamasında "Azərbaycanfilm” kinostudiyasının
direktoru Müşfiq Hətəmov aprel döyüşləriylə bağlı çəkiləcək filmlər
haqda danışarkən deyib. M.Hətəmov yazıçı Aqil Abbasın müharibə
mövzusunda çəkilən "Dolu” filminin də onlar üçün uğur gətirdiyini
bildirib:
"Film ssenariləri Mədəniyyət
Nazirliyində kimissiyaya təqdim olunur və onun da sədri Cəmil
Quliyevdir. Elə yazıçı Aqil Abbasın da aprel döyüşləriylə bağlı
ssenarisi ora təqdim olunub və nədənsə qəbul olunmayıb. Biz özümüz bu
istiqamətdə işləyirik və hələ ki, adamların adlarını çəkmək istəmirəm.
Aprel döyüşləriylə bağlı çəkiləcək filmlərə görə bir çox ciddi
layihələrlə maraqlanırıq. Bilirsiniz ki, Aqil müəllimin "Dolu” filmdi də
bizə uğur gətirib və çox istəyərdik ki, onunla əməkdaşlıq edək.
Qaldı
ki, ermənilərin aprel döyüşləriylə bağlı film çəkməsindən xəbərdarıq.
Bizə vəsait mart ayında ayrıldı. Ssenarilər təqdim olunub və hazırda
müzakirələr gedir. Bir daha onu qeyd edim ki, ssenarini kinostudiyalar
deyil, nazirlikdəki komissiya qəbul edir”.