"Belə gündə arzum budur ki, Allahın verdiyi ömür payını necə gümrah yaşamışamsa, elə də yaşaya biləm və heç vaxt qələm əlimdən düşməsin”

Adalet.az xəbər verir ki, bunu Moderator.az-a açıqlamasında Əməkdar elm xadimi, yazıçı Qəzənfər Paşayev doğum günü haqda danışarkən deyib:

"Təbrikiniz üçün çox sağ olun. Doğrusu, yubileyim olanda təmtəraqlı qeyd edirəm, amma bu gün 82 yaşım tamam olduğu üçün doğum günü keçirmirəm. Diqqətinizə görə sizlərə çox təşəkkür edirəm”.

Professor ən böyük arzusunun hamı kimi Qarabağın tezliklə işğaldan azad edildiyi günü görmək olduğunu deyib:

"Belə gündə arzum budur ki, Allahın verdiyi ömür payını necə gümrah yaşamışamsa, elə də yaşaya biləm və heç vaxt qələm əlimdən düşməsin. Qaldı ki, ən böyük arzum Qarabağın azad olunmasıdır. Bu bizim hamımızın ürəyimizdə daşıdığımız çox böyük taleyüklü problemdir və mən çox arzu edirəm ki, bu tezliklə həll olunsun. Mən ömrümün bu çağında Qarabağın azad olunduğunu görəndən sonra rahat yata bilərəm”.