Bakı 22°C
Əbülfət Mədətoğlundan yeni şeir: UZAQLAŞIM...
Yoruldum - bitməyən dərddən
Bu ölüb - itməyən dərddən...
Uzağa getməyən dərddən -
Bəs mən necə uzaqlaşım?..
İçimdə söylənib, durdum
Kim idim? - öyrənib durdum...
Mən qəmi göy dərib durdum -
İndi necə uzaqlaşım?...
Qoymadım günüm gün olsun
İstəyim dönüb kin olsun!
Allah, kaş yuxum çin olsun -
Qoş bir köçə, uzaqlaşım...
Kül altda közüm ağlasın...
Dil altda sözüm ağlasın...
Ölümü özüm ağlasın -
Bir " heç -heçə" uzaqlaşım...
