Mehriban Əliyeva Vladimir Putinə təşəkkür etdi
Azərbaycan Respublikasının Birinci vitse-prezidenti Mehriban Əliyeva Rusiya Federasiyasının Prezidenti Vladimir Putinə məktub ünvanlayıb.
Adalet.az-ın məlumatına görə, məktubda deyilir:
"Hörmətli Vladimir Vladimiroviç,
Azərbaycan ilə Rusiya arasında dostluq münasibətlərinin inkişafı sahəsində fəaliyyətimə verdiyiniz yüksək qiymətə və Rusiya Federasiyasının ali fəxri mükafatına – "Dostluq” ordeninə görə Sizə səmimi qəlbdən təşəkkür edirəm.
Ölkələrimiz arasında münasibətlər bir çox sahələri əhatə edir. Bu münasibətlər strateji tərəfdaşlıq səviyyəsinə yüksəlib. Azərbaycan və Rusiyanın dövlətlərarası əməkdaşlığı çoxəsrlik təməl üzərində təşəkkül tapıb. Azərbaycan və Rusiya öz münasibətlərini sülh, qarşılıqlı hörmət və mehriban qonşuluq əsasında qururlar. Bizim dostluğumuz və səmərəli tərəfdaşlığımız ölkələrimizin və xalqlarımızın maraqlarına tam cavab verir, regionda sülhə və sabitliyə xidmət edir.
Hörmətli Vladimir Vladimiroviç, fəxri mükafata görə Sizə bir daha səmimi qəlbdən təşəkkür edirəm. Sizə möhkəm cansağlığı, xoşbəxtlik və uğurlar, Rusiya xalqına firavanlıq, sülh və tərəqqi arzulayıram".
Digər Xəbərlər
28 Mart 2024 15:18
Vilayət Eyvazov Şamaxıda vətəndaş qəbulu və sıra baxışı keçirdi - VİDEO
28 Mart 2024 15:00Zakaryan: "Nüfuzumuzu geri qaytarmalıyıq, revanş qaçılmazdır"
28 Mart 2024 13:45ERMƏNİNİN ƏCƏLİ ÇATANDA BAŞINI DƏMİR YUMRUĞA SÜRTƏR
28 Mart 2024 12:28Ombudsman Xankəndidə erməni əsilli sakinlərlə görüşdü
28 Mart 2024 12:14