Dumanı zər "tutub" , çisgini cərgə
Xamlayıb , kimsəni götürmür tərkə...
Mən heyran qalmışam seldəki ərkə -
Qopub gör haradan, axır aşağı?!

Üzümü , gözümü yalayır yağış
Məni göy üzünə calayır yağış...
Bəlkə də halıma ağlayır, yağış -
Allahım gözü nəm , baxır aşağı...

Nə qədər düşünüb , çabalasam mən
Gəlmir istəyimlə , vallah gücüm tən!
Bu anın içində havalansam mən -
Qoyma göydə qalım, çağır aşağı!..