Dünən televizyonda Mübariz Əhmədoğlunun mətbuat konfransını göstərirdilər. Çoxdandı görsənmirdi, Paşinyanı yaş yuyub quru sərdi, soxdu stolun altına çıxarmadı. Ləzzət elədi.

70-ci illərdə Kukla Teatrının yanındakı «Sahil» çayxanasına bir hərbçi polkovnik gəlirdi. İstefada olmasına baxmayaraq, formada gəzərdi. Və çox mənasız da söhbətlər edərdi – müharibədən, Hitlerdən. Həddən də artıq savadsız idi.

Bir dəfə çayçı həmin polkovnikə dedi:

- Sən hər cümə axşamı Hitlerə Quran oxudursanmı?

Bizlər də, polkovnik də çaşdıq.

Polkovnik:

- Nədən ötrü?

- Müharibə olmasaydı polkovnik olmazdın, hansısa dağda qoyun otarırdın.

İndi Paşinyan Qarabağda o məlum bəyanatı verməsəydi, Mübariz Əhmədoğlunu görməyəcəkdik.

Mejduproçim, həmin gün cümə axşamıydı.