Əbülfət Mədətoğlundan yeni şeir: DİNCƏLSİN
Gözünü qabar etmişəm
Gedirəm, gözün dincəlsin...
Dilində yaman bitmişəm -
Gedirəm, sözün dincəlsin...
Rahatlıq gəlsin ömrünə
Toxunur kölgəm sinrinə!..
Səbr diləyib, səbrinə -
Gedirəm, dözüm dincəlsin...
Mənə edilən hücumda ,
Pis olma qardaş, bacınla...
Yüklənib ağrı, acıyla-
Məndəki özün - dincəlsin!
Əbülfət ümid olmadı
Sildin dilindən o adı!
Ona yandırdığın odu -
Söndür, qoy közün dincəlsin!..