Susub , görməyən tək, yanımdan keçmə
Dəyişən deyil ki, bununla heç nə!
Mənim dərdim kimi, sevgim də seçmə! -
Pıçılda arabir, andır, ürəyi!

Ömrü uzun olmur günü sayanın
Eşq adlı bir dinin tanı, yayanın!..
Qurumuş ağacın, çapıq qayanın -
Dibində şam kimi yandır ürəyi!..

Sonuncu ümiddə qaynayıb , daşıb
Səsim də , özüm də tay dağdan aşıb...
Birdən aldanarsan - sevərsən çaşıb -
Göstər sən məni - inandır ürəyi !...