Ağdamda yol qəzasında xəsarət alan şəxs xəstəxanda öldü
Ötən gün Ağdamda ölümlə nəticələnən yol-nəqliyyat hadisəsi baş verib.
Adalet.az-ın məlumatına görə, rayonun Quzanlı qəsəbəsi ərazisində Ədilxan Adıgözəlovun idarə etdiyi "VAZ-21063” markalı avtomobillə Kazım Heydərovun idarə etdiyi "VAZ-2170” markalı avtomobil toqquşub.
Toqquşma nəticəsində Ə.Adıgözəlov müxtəlif dərəcəli bədən xəsarətləri alaraq Bərdə Mərkəzi Rayon Xəstəxanasına yerləşdirilib və iyulun 25-də ölüb.
Faktla bağlı Ağdam Rayon Polis İdarəsi tərəfindən cinayət işi başlanılıb.