Əbülfət Mədətoğludan yeni şeir: TƏKLİK
Yenə qaldım əlində
Canı yanmış təkliyin...
Məni arxasız görüb -
Tənha sanmış təkliyin...
Nəm gözümdə parladı
Qəm sözümdə xarladı...
Ruhumu tumarladı -
Məni anmış təkliyim...
Bax bu da son civara
Səsim dəyir divara...
Etdi yenə avara -
Məni danmış təkliyim...
Öpüb sən adlı pirin
Tamsındım şirin -şirin...
İndi anladım sirrin -
Vaxtsız banmış! - təkliyim...