İçim çilikləndi- şüşə tək ... pul- pul...
Qaldı bir ümidim ürəyimdə dul!
Mən indi həyatı tikələnmiş qul -
Kimsə əl uzatmır -
yığılmağıma!..

Yenə ağrı gəlir - sinəm geyişir
Kədərlə sevincim sazsız deyişir...
Adlı siyahılar hər gün dəyişir -
Mən də alışıram çıxılmağıma...

Bu nə giley deyil, nə də ki , qeybət
Bu - yerə, bu - göyə !- heyrətdi, heyrət!..
Durub Əbülfəti sıradan seyrəlt -
Birləşin, ya tək - tək çıxın axrıma!