Əbülfət MƏDƏTOĞLU: Bir İSMARIŞ şeiri
İlahi, özümdən yıxıldım qəfil
Bir baxış qımışdı yıxılmağıma...
İstəyə çatmış tək baxırdı adam -
Mənim göz önündə sıxılmağıma...
İçim çilikləndi- şüşə tək ... pul- pul...
Qaldı bir ümidim ürəyimdə dul!
Mən indi həyatı tikələnmiş qul -
Kimsə əl uzatmır -
yığılmağıma!..
Yenə ağrı gəlir - sinəm geyişir
Kədərlə sevincim sazsız deyişir...
Adlı siyahılar hər gün dəyişir -
Mən də alışıram çıxılmağıma...
Bu nə giley deyil, nə də ki , qeybət
Bu - yerə, bu - göyə !- heyrətdi, heyrət!..
Durub Əbülfəti sıradan seyrəlt -
Birləşin, ya tək - tək çıxın axrıma!