Bakı şəhəri, Binəqədi rayonu, 6-cı mkr. 3205-ci məhəllədə beş ədəd doqquz mərtəbəli binalar yerləşir. Həmin binalarda 600-ə (altı yüz) yaxın mənzillər vardır. Həmin mənzillərdə də orta hesabla 3000 (üç min) -3500 (üç min beş yüz) insanlar yaşayır. Bu kooperativ binalar tərəfindən əhalənmiş ərazidə 2012-ci ildə cənab Prezidentin təşəbbüsünə qoşularaq sakinlərin istirahəti üçün istirahət bağı salınmış, orada 200-dən (iki yüz) çox ağaclar əkilmiş, uşaqlar üçün müxtəlif növ attraksionlar quraşdırılmışdır. Artıq 7(yeddi) ildən çoxdur ki, biz və uşaqlarımız həmin bağda olan normal şəraitdən istifadə edirik. Bu dövlətimiz tərəfindən biz ölkə vətəndaşları üçün yaradılmış bir imkandır.

Qeyd edirik ki, həmin beş ədəd çox mərtəbəli kooperativ binalar bizim vəsaitimiz ilə tikilmişdir. Binaların layihə-smeta sənədlərində həmin binaları içməli su ilə təmin edən 2000 (iki min) kub su anbarının da tikilməsi də öz əksini tapmışdır. Artıq iki aya yaxındır ki, İmişli şəhər sakini Əhmədov Rafil İsməli oğlu adlı şəxs beş ədəd doqquz mərtəbəli binaların əhatəsində yerləşən, binaları su ilə təmin edən 2000 (iki min) kub metrlik su anbarını "AZƏRSU” ASC və DƏDRX-nin Bakı şəhər Ərazi İdarəsi tərəfindən ona satıldığını iddia edərək, burada tikinti işlərinin aparacağını bildirir. Ona dəstək verən həmin təşkilatların nümayəndələrinin qanunsuz hərəkətləri binanın sakinləri kimi bizim kütləvi narazılığımıza səbəb olmuşdur.

Yuxarıda qeyd etdiyimiz kimi Əhmədov Rafil İsməli oğluna qanunsuz olaraq satılmış 2000 (iki min) kub metrlik su anbarı 1987-ci ildə həmin ərazidə beş ədəd çox mənzilli kooperativ binaların sakinlərinin maliyyə vəsaiti hesabına tikilmişdir. Su anbarının tikilməsi həmin vaxt tərtib və təsdiq edilmiş layihəsmeta sənədlərindədə öz əksini tapmışdır. Hal-hazırda həmin su anbarı da həmin beş ədəd doqquz mərtəbəli bina sakinləri tərəfindən istifadə edilir.

İkincisi, "Bakı şəhəri, Binəqədi rayonu, Mirzə Məhəmməd xan küçəsi 85 ünvanda yerləşən 32.2 kv.m qeyri-yaşayış sahəsi və 0.04287 ha torpaq sahəsində olan su anbarı 1987-ci il tarixdə orada çox mərtəbəli mənzillər tikilərkən həmin mənzillərin balansında olmuş, həmin su anbarının "Azərsu” ASC-nin balansına keçməsindən binalara məxsus olan MTK-nın və orada yaşayan vətəndaşların heç birinin məlumatı olmamışdır.

Üçüncüsü, "Bakı şəhəri, Binəqədi rayonun, Mirzə Məhəmməd xan küçəsi, 85 ünvanda yerləşən 32.2 kv.m qeyri-yaşayış sahəsi və 0.04287 ha torpaq sahəsində olan su anbarının "Azərsu” ASC-i tərəfindən orada yerləşən MTK-ya təklif olunmadan, onların razılığı olmadan və orada yaşayan şəxslərə deyil, İmişli şəhəri, Fizuli küçəsi, ev 29-da yaşayan Əhmədov Rafil İsməli oğluna satılması tam qanunsuz və əsassızdır.

Dördüncüsü, həmin ərazi Əhmədov Rafil İsməli oğluna guya istifadəyə yararsız, çökmə və təhlükəli vəziyyətdə olduğu üçün satılmışdır. Əslində su anbarının yerləşdiyi ərazi istifadəyə yararsız, çökmə və təhlükəli vəziyyətdə deyildir və su anbarının yerləşdiyi ərazi Bakı şəhəri, Binəqədi rayonu, 6-cı mkr. 3205-ci məhəllədə, beş ədəd doqquz mərtəbəli binaların əhatəsində yerləşir. Həmin binalarda 600-ə (altı yüz) yaxın mənzillərdə də orta hesabla 3000 (üç min) – 3500 (üç min beş yüz) insanlar yaşayır. Bu kooperativ binalar tərəfindən əhatələnmiş, su anbarı da daxil olmaqla boş ərazidə 2012-ci ildə azərbaycan Respublikasının Prezidentinin tapşırığı əsasında sakinlərin istirahəti üçün istirahət bağı salınmış, yaşıllaşdırma həyata keçirilmiş, orada 200-dən (iki yüz) çox ağaclar əkilmiş, uşaqlar üçün müxtəlif növ attraksionlar quraşdırılmışdır. Artıq 7(yeddi) ildən çoxdur ki, biz və uşaqlarımız həmin bağda olan normal şəraitdən istifadə etməklə istirahət edirik. Bu Azərbaycan Respublikasının Prezidentinin ölkə vətəndaşları üçün yaratdığı bir imkandır. Həmin ərazidə sakinlərin istirahəti üçün salınmış istirahət bağında tam istirahət etməyə və uşaqların oynamaları üçün bütün şərait yaradılmış, həmin ərazidə 2012-ci ildən hal-hazıradək istifadə edirik və gələcəkdə də istifadə edəcəyik.

Beşincisi, 10 may 2019-cu il tarixdə Ulu Öndərimiz Heydər Əliyevin doğum günü münasibətilə möhtərəm Prezidentimiz cənab İlham Əliyevin və birinci Vitse-Prezidentimiz Mehriban xanım Əliyeva tərəfindən Bakı şəhərində "ağac əkmə kampaniyası” keçirilirdi, həmin gün doğma Bakımızda minlərlə ağaclar əkildi. Biz həmin binada yaşayan şəxslərdə də dövlətimizin "ağac əkmə kampaniyasını” dəstəkləyirik. Hesab edirik ki, beş ədəd doqquz mərtəbəli binaların əhatəsində yerləşən, ot örtdüyü ilə örtülmüş və 200-dən (iki yüz) artıq sayda müxtəlif növlü ağacların əkildiyi və binaları su ilə təmin edən 2000 (iki min) kub metrlik su anbarının Əhmədov Rafil İsməli oğlu tərəfindən hər hansı bir məbləğdə pul verməklə qanunsuz yollarla alması, bu ərazidə yerləşən 200-dən (iki yüz) çox bahalı və yaşlı ağacların kəsilməklə məhv edilməsi, orada tikinti işlərinin aparılması tam qanunsuz və əsassızdır.

Əminik ki, sakinlərin istirahəti üçün salınmış istirahət bağı, orada əkilmiş 200-dən (iki yüz) artıq ağaclar, uşaqlar üçün quraşdırılmış müxtəlif növ attraksionlar sökülməyəcəkdir. Artıq 7(yeddi) ildən çox bir müddət ərzində biz və uşaqlarımız istifadə etdiyimiz həmin bağdan bundan sonra da rahat və normal şəraitdə istifadə etməklə istirahət edəcəyik. Hesab edirik ki, Sizlərə etdiyimiz müraciətdən sonra, bu barədə obyektiv və ədalətli araşdırılma aparılacaq, beş ədəd doqquz mərtəbəli binaların əhatəsində yerləşən, binaları su ilə təmin edən 2000 (iki min) kub metrlik su anabarını qanunsuz olaraq satan şəxslər barəsində qanuni tədbirlər götürüləcəkdir.