hacklink Adalet.az | Bu məkanlarda yeni nəsil nəzarət-kassa aparatları quraşdırılır - Nazirlikdən AÇIQLAMA Adalet.az | Bu məkanlarda yeni nəsil nəzarət-kassa aparatları quraşdırılır - Nazirlikdən AÇIQLAMA Adalet.az | Ədalət -
ANA SƏHİFƏ / GÜNDƏM

Bu məkanlarda yeni nəsil nəzarət-kassa aparatları quraşdırılır - Nazirlikdən AÇIQLAMA

6291    |   2019-07-04 16:02
Şriftin ölçüsü:
A+ Böyütmək
A+ Balacalaşdır

Vergilər Nazirliyi tərəfindən Azərbaycan Respublikasında yeni nəsil nəzarət-kassa aparatlarının tətbiqi istiqamətində işlər davam etdirilir. Nazirliyin Media və Kommunikasiya Mərkəzindən verilən məlumata görə, artıq Bakı, Gəncə və Sumqayıt şəhərlərində müvafiq fəaliyyət sahələrində yeni nəsil nəzarət-kassa aparatlarının tətbiqi üzrə birinci mərhələ çərçivəsində işlər icra olunur:

"Bu aparatlar ilkin mərhələdə yanacaqdoldurma məntəqələrində və şəbəkə sistemli marketlərdə quraşdırılır. Görülmüş işlər nəticəsində yeni nəsil nəzarət-kassa aparatları şəbəkə sistemli marketlərdə də quraşdırılmaqdadır. Hazırda Bakı şəhərinin iri marketlər şəbəkəsində sistemin işə düşməsi üçün proqram təminatlarının Vergilər Nazirliyinin informasiya sistemi ilə inteqrasiya edilməsi üzrə işlərin yekunlaşdırılması və vergi ödəyicilərinin texniki imkanlarının yeni tələblərə uyğunlaşdırılması prosesi gedir”.

Rəsmi məlumata görə, bu proseslər əsas marketlər üzrə iyul ayı ərzində yekunlaşacaq:

""Nəzarət-kassa aparatlarının tətbiqi Qrafiki"nin birinci mərhələsində "Bravo Supermarket”, "Bazarstore Supermarket”, "Al Market”, "Bizim Market”, "OBA Market”, "Araz Supermarket”, "Spar Supermarket”, "FAVORİT Supermarket”, "Neptun Market”, "Grand Mart”, "Avromart”, "Market FR”, "Səbət Market”, "Fresco Supermarket”, "Bolmart Supermaket”, "Port Baku Bazar”, "Megastore Market”, "Rahat Market”, "Kontinental Supermarket”, "West Mart”, "AİLƏ Supermarket”, "Sərham Market”, ”Caspian Cristal Gastranomy”, "Armo Store Market” mağazalar şəbəkələrinin inteqrasiyası nəzərdə tutulub”.


Qeyd edilib ki, yeni nəsil nəzarət-kassa aparatlarının tətbiqi nəzərdə tutulmuş qrafik üzrə təsərrüfat subyektlərində təmin ediləcək:

"Bu kassaların quraşdırılmasından imtina edilməsi, quraşdırılmasından sonra kassalardan istifadə olunmaması və yaxud nağd hesablaşma qaydalarının pozulması halları vergi qanunvericiliyində nəzərdə tutulmuş məsuliyyət tədbirlərinə səbəb ola bilər.

Yeni kassa aparatlarından istifadə hesablaşmaların daha şəffaf aparılmasına, malların qanunsuz dövriyyəsinin qarşısının alınmasına, dövriyyəyə nəzarətin təmin edilməsinə imkan yaradacaq”.

Yeni nəsil nəzarət-kassa aparatlarına dair daha ətraflı məlumatı bu günlərdə istifadəyə verilmiş https://e-kassa.gov.az internet səhifəsindən əldə etmək olar.




İmza:
SON XƏBƏRLƏR
2019-12-14
2019-12-13


VİDEO