Əbülfət Mədətoğludan yeni şeir: ÜZÜ YUXARI
İlahi,sakitcə yeriyib gedir
Dərədən o duman üzüyuxarı...
Tələsir, can atır, şıltaqlıq edir ,
Tüstü də odundan üzüyuxarı...
Durmadan fırlanır vaxt kirkirəsi
Artır yaşadığım ömrün kirəsi...
Özü də , sözü də yerə girəsi -
Boylanır adından üzü yuxarı.
Bəllidi doqquza onda nə varsa,
Adamı hey çəkir onda nə varsa,
Unudub getdiyi sonda nə varsa ,
Silibdi yadından üzü yuixarı.
Canımda daşınan qan Qarabağın,
Havası tükənən can Qarabağın.
Gözümdə sökülən dan Qarabağın,
Daşından, otundan üzü yuxarı...