hacklink Adalet.az | ADU-da “İpək yolu: Mərkəzi Avrasiya və Çin arasında” konfransının açılış mərasimi keçirilib Adalet.az | ADU-da “İpək yolu: Mərkəzi Avrasiya və Çin arasında” konfransının açılış mərasimi keçirilib Adalet.az | Ədalət -
ANA SƏHİFƏ / ELM VƏ TƏHSİL

ADU-da “İpək yolu: Mərkəzi Avrasiya və Çin arasında” konfransının açılış mərasimi keçirilib

7414    |   2019-06-24 10:11
Şriftin ölçüsü:
A+ Böyütmək
A+ Balacalaşdır

İyunun 22-də Azərbaycan Dillər Universitetində (ADU) "İpək yolu: Mərkəzi Avrasiya və Çin arasında” III konfransının açılış mərasimi keçirilib.

ADU-dan Adalet.az-a verilən məlumata görə, konfrans Tanq Araşdırma Fondunun dəstəyi, İndiana Universitetinin Mərkəzi Avrasiya Araşdırmalar Departamenti və Pekinq Universitetinin Tarix Departamentinin birgə təşkilatçılığı ilə baş tutub.

ADU-nun rektoru, akademik, Xalq yazıçısı Kamal Abdulla qonaqları salamlayıb və universitetin səmimi dostluq münasibətlərinə əsaslanan görüşlərə ev sahibliyi etməsindən məmnun olduğunu deyib:

"Bizim universitet bu kimi səmimi dostluq münasibətində keçən görüşlərin çox mötəbər və etibarlı dayaq nöqtəsinə çevrilib. Biz çox şadıq ki, bizim auditoriyamızda iki böyük dövlətin – ABŞ və Çin Xalq Respublikasının İndiana və Pekinq Universitetinin görkəmli alimləri, professorları, əməkdaşları bizim universitetimizin əməkdaşları ilə bir araya gəliblər. Xalqlar arasında mədəni əlaqənin qədim Çindən başlayan İpək Yolu ilə bağlı araşdırmalarından başqa daha uyğun və əsaslandırılmış mövzu tapmaq çətin olardı. Əlbəttə ki, Çindən Avropaya qədər uzanan İpək Yolu yalnız ticarət yolu olmayıb, eyni zamanda mədəniyyət, inkişaf, maarif yoluna çevrilib. Bizim universitet və Belqrad Universiteti arasında İpək Yolu üzərində kitabxanalar mövzusunda maraqlı konfrans keçirildi. Bu konfransın nəticəsində biz gördük ki, nə qədər öyrənilməmiş mövzular, açılmamış mətləblər gizlənir. İnanıram ki, bu gün də İndiana və Pekinq universitetlərinin nümayəndələri İpək Yolunu tədqiq edərkən bu elmi söhbətlər öz yerini gələcək dostluq münasibətlərinə çevirəcəkdir. Sevinirəm ki, bu dostluğun əsası bizim universitetdə, Azərbaycanda qoyulacaq. Bu dostluq kimyəvi reaksiya kimi genişlənib universitet camiələrini bütövlükdə əhatə edəcəkdir. Biz də həmişə sizin yanınızda olmağa çalışacağıq. Bu problemin həllində bizim universitetin də iştirakı əməkdaşlarımız üçün çox faydalıdır. Bu gün Azərbaycanın ədəbiyyatı, mənəviyyatı, tarixi, uzaq və yaxın keçmişi, gələcək perspektivləri bütün cəmiyyət tərəfindən elmi baxımdan araşdırılmaqdadır. Təkcə Azərbaycan alimləri tərəfindən deyil, bu araşdırmalar dünya alimləri tərəfindən aparılır. Çox ciddi və fədakarcasına görülən işlər bu cür konfranslar vasitəsilə də daha yaxşı tanınır. Sizə Azərbaycanda gözəl vaxt keçirməyinizi arzu edirəm. Arzu edirəm ki, bu universitetlər arasında yaranan elmi əməkdaşlıq və birlik dostluğa çevrilsin və o dostluqda azərbaycanlı alimlər də, Azərbaycan cəmiyyətinin üzvləri də yaxından iştirak etsinlər. Bizim arzumuz bu gün Azərbaycanı sülh şəraitində yaşayan, inkişaf edən dövlət kimi görməkdir. İnanıram ki, həm Amerikanın, həm də Çinin ən mütərəqqi qüvvələri Azərbaycan həqiqətlərini obyektiv şəkildə dəyərləndirir və qiymət verirlər. Universitetimiz sizə öz qapılarını açdığı üçün xoşbəxtəm. Arzu edirəm ki, Çinin və Amerikanın üzərində olan açıq səma, sülh şəraiti Azərbaycan və digər ölkələrdə də olsun”.

İndiana Universitetinin Mərkəzi Avrasiya Araşdırmalar Departamentinin rəhbəri Cəmşid Çoksi konfransın məqsədi haqqında məlumat verib. O, konfransın 2017-ci ildə Pekinq Universitetində. 2018-ci ildə isə İndiana Universitetində keçirildiyini diqəqət çatdırıb. Konfransın mövzusu ilə bağlı danışan C.Çoksi növbəti müzakirələrin məhz Azərbaycan Dillər Universitetində keçirilməsindən məmnun olduğunu bildirib. O, konfransın keçirilməsində göstərdiyi dəstəyə, yaratdığı şəraitə görə ADU rəhbərliyi başda olmaqla, əməyi keçən hər kəsə təşəkkürünü bildirib. İndiana Universitetinin professoru, "Turkish Flagship” proqramının direktoru Kamal Silay, Pekinq Universitetinin Tarix fakültəsinin dekan müavini Zan Tao öndəgedən universitetlərdən biri olan ADU ilə əməkdaşlıqdan məmnun olduqlarını söyləyiblər, konfransın Bakıda keçirilməsində dəstək göstərən hər kəsə təşəkkürlərini bildiriblər.

Daha sonra konfrans öz işini bölmə iclasları ilə davam etdirib. Bölmə iclaslarında Pekinq Universitetinin professorları Li Bozhoinq "Rixtofenə dönüş: İpək yoluna yenidən nəzər salınması”, Fan Jinqjinq "Hindistandan Çinə doğru Avadana: Ədəbi janrın transformasiyası” və Luo Xin "Şimali Vei nəslinin Cənnət üçün ibadət mərasimlərində Taxta qütbləri”, İndiana Universitetinin professorları Kamal Silay "Çinin Müasir İpək Yolu və Türkiyə Respublikası üçün mədəni və siyasi təzahürləri”, Qardner Bovinqdon "Almatı Bakının gözü ilə: Orta Asiya şəhərlərini müqayisəli qavrama” və Aybike Tezel "Köçəri dünyada oturaq yaşam elitası: Erkən orta əsrlər Mərkəzi Avrasiyasında köçəri-oturaq anlayışlarının qarşılıqlı təsiri”, Renmin Universitetinin professor Li Xiao "Şərq və Qərb mədəniyyətləri mübadiləsi: Arxeoloji kəşflərdən baxış”, ADU-nun Beynəlxalq əlaqələr üzrə prorektoru dosent Jalə Qəribova "Kimlik repertuarı kontekstində dil davranış və münasibətləri: Azərbaycan faktı” mövzularında çıxış ediblər.




İmza:

Səudiyyə Ərəbistanının Neft-qaz və Minerallar Universitetinin nümayəndələri Bakı Ali Neft Məktəbində

BDU-da Beynəlxalq Telekommunikasiya İttifaqının baş katibi Haulin Jao ilə görüş keçirilib

Məleykə Abbaszadə: Yuxarı vəzifələrdə işləmək üçün müraciət edənlərin sayı azdır

Bakı Ali Neft Məktəbi Texas A&M Beynəlxalq Universiteti ilə müqavilə imzaladı

Emin Hüseynov Bakı Ali Neft Məktəbində master-klass keçib

Bakı Ali Neft Məktəbinin 8 yaşı tamam olur

ADU-nun rektoru Mərakeşin Cadi Ayyad Universitetinin prorektoru ilə görüşüb

BMT-nin Təlim və Tədqiqat İnstitutunun saytında Bakı Ali Neft Məktəbi haqda məqalə dərc olunub

Azərbaycan Universitetində gender mövzusunda beynəlxalq konfrans keçirilib

Bakı Ali Neft Məktəbində “Mühəndislər üçün biznes təhsili” layihəsinə start verildi

Türkiyəli professor ADU-ya gəldi - FOTO

Bakı Ali Neft Məktəbində Layihə İdarəetmə Məktəbinin Məzun Günü keçirildi

SON XƏBƏRLƏR
2019-12-14
2019-12-13


VİDEO