hacklink Adalet.az | Ceyhun Rzayev: Mən yaxşı adam olsaydım, sən bu vəziyyətdə olmazdın Adalet.az | Ceyhun Rzayev: Mən yaxşı adam olsaydım, sən bu vəziyyətdə olmazdın Adalet.az | Ədalət -
ANA SƏHİFƏ / MƏMLƏKƏT

Ceyhun Rzayev: Mən yaxşı adam olsaydım, sən bu vəziyyətdə olmazdın

5845    |   2019-06-22 12:55
Şriftin ölçüsü:
A+ Böyütmək
A+ Balacalaşdır

"Millət, ürəyim partlayır. Tarqovı ilə gedirdim. Arxadan "dayı" səsi eşitdim. Əhəmiyyət verməyib davam elədim. Mən addımladıqca "dayı, ay dayı" səsi yenə gəlirdi. Fikirləşdim, küçə avarasıdı, pul istəyir. Hirslə dayandım. Çevrilib "nə istəyirsən" soruşdum. Arıq, uzun oğlan idi.
- Dayı, ay dayı, acam, mənə "Bravo"dan çörəklə su ala bilərsən?
Əynində nimdaş finka və futbolka, cırıq krossovka...
Girdik "Bravo"ya. Əsirəm...Ağlayıram...
Dedim, dönər alacam sənə, kola və ya fanta götür. Əl uzadıb ən kiçik qablaşdırmada olan kola götürdü...xərcə salmaq istəmədi məni.
- Gedək, sənə dönər alım.
- Dayı, dönərin puluna 2 gün qarnımı doyuzduraram.
Özümə nəzarəti tam itirdim. Əsirəm, ağlayıram. Hayqırtı çıxdı məndən. Mühafizəçi yaxınlaşıb nə olduğunu soruşdu.
Dedim, qurban olum, buna kömək eləyin fəhlədən-zaddan işləsin, internatdan çıxıb, qalmağa yeri yoxdu.
Adı Kənandı. Valideynləri sonuncu dəfə 2 yaşı olanda ziyarətinə gəliblər. Xatırlamır onları, tanımır. Mühafizəçiyə dedi ki, dayı, tanıdın məni, o gün yerdən 100 manat pul tapıb verdim sənə. Mühafizəçi üzünə baxıb tanıdı. Yerdən tapdığı 100 manatı cibinə qoymamışdı Kənan. Mühafizəçi dedi ki, "Megafun"ın yanındakı "Azpetrol"a get, tapşıracam səni.
Marketdən çıxıb "Avtoş" dönərə getdik. Soruşuram, toyuq istəyirsən, ya ət? Çörək, ya lavaş? Deyir, ucuzu hansıdısa, ondan.
Tarqovıdakı skamyada oturduq. Dönəri yarıdan kəsib paketə qoydu. Soruşuram, neynirsən. Deyir, bu günün sabahı da var, axı.
Telefonu yoxdu. Gecələr Tarqovıda gəzir. Səhər metro açılan kimi isə içəri daxil olub vaqonda oturaq vəziyyətdə yatır.
Ayaqqabı ölçümüz fərqlidi, paltarlarım isə olar ona.
Tapşırdım 1-ci gün işimə gəlsin. Evdən geyindiklərimi yığıb verəcəm ona.
Bir az da pul verdim ki, gecəni gedib ucuz, daxma kimi evlərdə keçirib, ayağını uzadıb normal yatsın.
Sağollaşanda dedi, arzum gələcəkdə xeyriyyə fondu yaratmaqdır. İnternat uşaqlarına kömək eləyəcəm. Mənə dedi, dayı, sən yaxşı adamsan. Hər adam eləmir bunu. Dedim, yox, Kənan, mən pis adamam, əclafam mən. Mən yaxşı adam olsaydım, sən bu vəziyyətdə olmazdın."


İmza:

“Azərsun Holdinq” ümummilli liderin xatirəsini yad edib

Bu gün Bakı metrosu yarım saat artıq işləyəcək - SƏBƏB?

Bakıətrafı magistral avtomobil yollarında hərəkət məhdudlaşdırılacaq

Gəncədə antisanitar şəraitdə olan toyuq emalı müəssisəsinin fəaliyyəti məhdudlaşdırılıb

Coğrafiya İnstitutu - Azərbaycanda bəzi yerlərdə yağıntılar azalıb

Faiq QİSMƏTOĞLU: O AĞACLAR...

Məcburi köçkün gənclər kiçik sahibkarlıq fəaliyyətinə başlamaq üçün avadanlıqlarla təmin edilib

FHN: Yanğın ocaqlarının söküntüsü və soyudulması işləri davam etdirilir

Valideynlərini itirmiş 24 azərbaycanlı uşaq geri qaytarılıb

Bakıda Əbu Bəkr məscidinin açılması nəzərdə tutulur

Yol polisi "Eurohome"dakı yanğınla bağlı sürücülərə müraciət etdi

Məcburi köçkünlərin “Qobu Park-2”yə yerləşdirilməsi başa çatıb

SON XƏBƏRLƏR
2019-12-12


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88%)
Pullsuz (12%)

ÇOX OXUNAN
GÜNÜN LƏTİFƏSİ

Yayın cırhacırı Abdal Qasım oturubmuş, görür iki erməni bərkdən danışa-danışa gəlir.

Yanındakı dostuna deyir:

- Ə, bu köpəyuşağları bu istidə bu dildə nətəhər danışırlar ey?!




digər lətifələr
ARXİV
FACEBOOK