adalet.az header logo
  • Bakı 11°C
  • USD 1.7
18 Iyun 2019 10:04
17508
ƏDƏBİYYAT
A- A+

Əbülfət MƏDƏTOĞLU: İSTƏYİRSƏN SEV MƏNİ





















Uçmuş qaya, qopmuş çinar , ya da mən
Onlara bax!- düşəcəyəm yada mən...
Bənzəsəm də doğmaya mən, yada mən -
İstəmirdim , belə görüb, sevməni ...
Tay özün bil, istəyirsən sev məni...

Saralmış dən, vağanımış biçənək
Görünüşü göz hürküdən - iç mələk!
Məni sevib - çoxu qalıb gicələk ...
İstəmirdim , belə görüb , sevməni
Tay özün bil, istəyirsən sev məni!..

Göz yorunuq, üz qırışıq, əl titrək
İtirməli nəyimiz var, itirək?!
Sevgimizdə özümüzü bitirək -
İsitməsin ocaq məni, ev məni -
Tay özün bil... sevə bilsən, sev məni...

Xəyalıma dodaq büzüb , lağ etmə
Ağ dəlisən , sən ağ!- deyib . ağ etmə...
Bu şerimi özün oxu! - tağ etmə -
Görkü necə sevməliyəm, sevməli...
Bundan sonra... istəyirsən sev məni!