adalet.az header logo
  • Bakı 12°C
  • USD 1.7
10 Iyun 2019 13:03
30828
İDMAN
A- A+

Türkiyəyə qarşı böyük tərbiyəsizlik!

"Avro 2020” futbol çempionatının seçmə mərhələsində İslandiya millisi ilə qarşılaşacaq Türkiyə millisinə qarşı qalmaqal yaradan hörmətsizlik edilib. 

Adalet.az xəbər verir ki,Türkiyə milli komandasının bütün oyunçularının çantalarının bir-bir yoxlanılması narazılığa səbəb olan ilk məqamlardan biri olub. Ən böyük qalmaqal isə daha sonra baş verib. Belə ki, komandanın oyunçusu Emre Belezoğlu islandiyalı jurnalistlərə müsahibə verərkən, onlardan biri futbolçuya mikrofon əvəzinə tualet fırçası uzadıb. 

Türkiyə milli komandasının futbolçuları bütün bunlara öz etirazlarını bildiriblər. Jurnalistin bu hərəkəti Türkiyədə böyük etirazlara səbəb olub. Sosial şəbəkələrdə İslandiyanın əleyhinə bir sıra həştaglar açan türkiyəlilər bir sıra əks kampaniyalar başladıb. 

Qeyd edək ki, İslandiya və Türkiyə milli komandaları arasında keçiriləcək görüş iyun ayının 11, saat 22:45-də baş tutacaq.