Baş nazir: “Gürcüstanın NATO və Aİ-yə üzvlüyü gürcü xalqının seçimidir”
"Gürcüstanın NATO və Avropa İttifaqına üzvlüyü gürcü xalqının seçimidir”.
APATASS-a istinadən xəbər verir ki, bu sözləri Gürcüstanın baş naziri Mamuka Baxtadze San-Fransiskoda keçirilən ictimai forumda çıxışı zamanı deyib.
Onun sözlərinə görə, gürcü xalqının 80 faizdən çoxu Avropa İttifaqı və NATO-ya üzvlük ideyasını dəstəkləyir: "Bu, siyasi rəhbərlik tərəfindən qəbul edilmiş qərar deyil, təşəbbüs xalqdan gəlir. Bu səbəbdən də bir daha vurğulamaq istəyirəm ki, Aİ və NATO-ya üzvlük mənim xalqımınseçimidir. Gürcüstan buna layiqdir”, - deyə M.Baxtadze qeyd edib.
Baş nazir həmçinin vurğulayıb ki, Gürcüstanın NATO-ya üzvlüyü bir gün ərzində gerçəkləşməyəcək və bu, geosiyasi vəziyyətdən asılıdır.
Digər Xəbərlər
20 Aprel 2024 13:56