adalet.az header logo
  • Bakı 13°C
  • USD 1.7
07 Iyun 2019 12:00
9900
MƏMLƏKƏT
A- A+

“Küçələrdə diləndirilən azyaşlılar oğurlanmış uşaqlar ola bilər” - Kriminalistdən ŞOK AÇIQLAMA

"İtkin düşən üç yaşlı Zəhra Bağırzadə tapılan zaman onun yanında olmuş Masallı rayon sakini 1980-ci il təvəllüdlü Nəzərova Təzəgül Şükür qızı şübhəli şəxs qismində Sabunçu Rayon Polis İdarəsində saxlanılır”.

Sabunçu Rayon Polis İdarəsindən Modern.az-a verilnə məlumata görə, hazırda təhqiqat işləri davam etdirilir:

"İstintaq yekunlaşdıqdan sonra ictimiayyətə məlumat veriləcək”.

"Zəhranı oğurlayan qadın anlaqlı vəziyyətdə olub”

Məsələ ilə bağlı danışan kriminalist Mahmud Hacıyev deyib ki, bu, adam oğurluğudur:

"Uşağı oğurlayanlar "Təzə bazar” yaxınlığında kirayədə yaşayırlar. Uşaq Sabunçu rayonu ərazisində oğurlanıb, Nizami rayonu ərazisində diləndirilir. Bu üçbucaq uşağı aldadıb aparmaq yox, adam oğurluğudur. Bu, son 15 ildə cinayət qanunvericiliynə salınmış ağır maddədir. Azadlıqdan məhrumetmə sanksiyasının cəzası çox yüksəkdir. Diləndirməyə aparır, satmağa aparır, yaxud öldürməyə aparır, bunun fərqi yoxdur, bu, adam oğurluğudur.

Burada cinayət tərkibini yaradan amillər toplumu var: obyekt, obyektiv tərəf, subyekt, subyektiv tərəf, motiv, yəni tamah. Cinayət əməlini yaradan bütün amillər burada var. Motivi gizlətmək üçün deyirlər guya uşağı oğurlayan ağıldankəm olub. Bunlar önəm kəsb eləmir. Bu, geniş şəkildə istintqı aparılan işdir. İstintaqın gedişilə bağlı bütün detallar kütləvi informasiya vasitələri tərəfindən ictimaiyyətə çatdırılmalıdır ki, bir də belə hal yaşanmasın.


Dilənçilik baş alıb gedir. Dilənçilikdə adam oğurluğu faktları da var. Bu işdə siz jurnalistlərin də fəaliyyəti hüquq-mühafizə orqanlarının əməkdaşlarının fəaliyyətilə paralel getməlidir. Sizlər "SOS” siqnalı verməlisiniz. Onlar ekspertiza olunmalıdır ki, uşağı aparan vaxtda anlaqlı olub, yoxsa yox. Mən bir hüquqşünas kimi sizi əmin edirəm ki, balaca qızın oğurluğunda iştirak edən şəxslər anlaqlı vəziyyətdə olub. Deyir tut yeyirdik, uşağa da verdik yedi, sonra onu bacıma verdim. O da apardı diləndirməyə. Bəs sorğuşmaq lazımdır, Allah sənə 60 ölçü başı niyə verib, şüuru niyə verib?

Bu sırf insan oğurluğudur. Onun ağıldankəm olub-olmadığını istintaqın gedişi müstəntiq müəyyən edəcək. Mən onları televiziyadan izlədim, çox da anlaqlı idilər. Ola bilsin ki, haradasa, savadı, dünyagörüşü, intellekti imkan vermir düşünsün ki, bu insan oğurluğudur. Onu da özü bilər, Allahı bilər. Qanun demir ki, savadı, dünyagörüşü olmayan biri cinayət məsuliyyətindən kənarda qalsın.

Əvvala dilənməyin özü inzibati xətadır, az əhəmiyyətli hüquq pozuntusudur. Ona qarşı da cəza tətbiq edilə bilər. Digər tərəfdən, bu gün küçələrdə diləndirilən uşaqların taleyilə də maraqlanmaq lazımdır ki, onlar oğurluqdur, yoxsa deyil. Ona görə istintaq hərtərəfli aparılmalıdır. Siz özümüz də vətəndaş olaraq, küçədə dilənən uşaq görəndə, lap ona müəyyən miqdarda pul versəniz belə, imkan daxilində maraqlanın niyə dilənir, kimdir, harada yaşayır?”.


"Əlil uşaqlar dilənçilərə "arenda”ya verilir”

Kriminalist əlil uşaqların valideynləri tərəfindən "arenda”ya verildiyini iddia edib:

"Bilirsiniz, od olmasa, tüstü çıxmaz. Bəzi dar düşüncəli, ağıldankəm, savadsız valideynlər var ki, psixi və fiziki qüsurlu uşağını dilənçilərə "arenda”ya verir. Bu hal yaşanmaqdadır, rüşeym var artıq. Bunun da qarşısını almaq lazımdır. Hüquq-mühafizə orqanlarının əməkdaşları və siz jurnalistlər bu məsələlərə həssaslıqla yanaşmalısınız. Artıq belə söz-söhbətlər var, buna dırnaqarası yanaşmaq olmaz. Dilənçilik özü bir şəbəkədir. Dilənçilər qazandıqlarını "obşak”a vaxtlı-vaxtında və düzgün verməsələr, onların gözlərini çıxararlar. Ümumi qazanc "obşak”a qoyulur və oradan hamının haqq-hesabı bölünür. Kimsə dilənçilərin qayda-qanuna tabe olmadan dilənirsə, onu cəzalandırırlar, döyürlər. Biz bilmirik onların başındakı qadındır, kişidir, əvvəllər məhkumluq həyatı yaşamış biridir ya deyil. Onların hamısı psixologiyanı çox yaxşı bilirlər. İnsanların hisslərinə toxunmağı, onları ələ almağı çox əla bacarırlar. Eşidir, bilir ki, kiminsə uşağı əqli, yaxud fiziki qüsurludur, onun valideynlərilə "danışığa” başlayır. 2 fakt, 3 fakt, 4 fakt və beləcə genişlənməyə başlayır. Bu gün kifayət qədər qüsurlu uşağı olan ailələr var ki, zibilxanalarda, küçələrdə yaşayırlar. Bunlara diqqət etmək lazımdır”.

M.Hacıyev hansısa dilənçiyə hüquq-mühafizə orqanı əməkdaşlarının göz yumması iddialarını qəbul etməyib:

"Bütün bunların hamısı hesabtlarda qeyd edilir. Əgər hansısa polis əməkdaşı buna göz yumubsa belə, əmin olun o, mütləq cəzalandırılır. Bəzən olur ki, yazığı gəldiyi, humansitlik etdiyi üçün o dilənçini görməzdən gəlir. Çünki mənim özümün də başıma gəlib belə hal. Baş Polis İdarəsinin, nazirliyin əməkdaşları daim ərazidə olurlar. Neqativ hala yol verən polis əməkdaşları cəzalandırılır”.

Bakı şəhər Baş Polis İdarəsi, Sabunçu Rayon Polis İdarəsi və 12-ci Polis Şöbəsi əməkdaşlarının birgə həyata keçirdikləri intensiv axtarış tədbirləri nəticəsində itkin düşmüş üç yaşlı Zəhra Bağırzadə paytaxtın Nizami rayonu ərazisində tapılaraq ailəsinə təhvil verilib.