Əbülfət MƏDƏTOĞLU: BİR DƏLİ ŞEİR...
Mən o , səsi duymayanda
Bu yay günü buzlayıram...
"Yar!" deməkdən doymayanda -
Ürəyimi duzlayıram...
Calayıram ahı , ünü
Elə bil heç calaq tutmur...
Calayıram ayı . günü -
Ürəyim onu unutmur!..
Nə daşlaşır , nə kül olur
Nə də barlanmır göyərib...
Göz önündə ürək solur -
Gözün yoxluğa öyrənib...
Mən nə qədər od, köz olum?-
Bir çınqım düşsün qəlbinə...
Gülüm, məni göz - göz olum -
Dözə bilmirəm səbrinə!..