adalet.az header logo
  • Bakı 13°C
  • USD 1.7
31 May 2019 17:40
37806
TEXNOLOGİYA
A- A+

İnternetə deyil, həyata bağlan!

Azərbaycan Respublikasının Prezidenti yanında qeyri-hökumət Təşkilatlarına Dövlət Dəstəyi Şurasının maliyyə dəstəyi və "Könüllülük Fəaliyyətinin Təbliği” Gənclər ictimai birliyinin təşkilatçılığı ilə "Uşaqların internet informasiya resurslarından düzgün istifadəsi ilə bağlı tədbirlərin təşkili layihəsinin icrasına start verilmişdir. Layihə çərçivəsində növbəti tədbir 30 may 2019-cu il tarixində Bakı şəhərinin 55 və 266 saylı orta məktəbində həyata keçirilib.

Adalet.az xəbər verir ki, tədbirdə açılış çıxışı edən "Könüllülük Fəaliyyətinin Təbliği” Gənclər ictimai birliyinin əməkdaşı İsmət Əmirahov layihənin məqsədi ve hədəfləri haqqında danışaraq qeyd etti ki, bu layihədə əsas məqsədimiz, uşaqlara internet resuslarından düzgün və səmərəli istifadə qaydalarını öyrətmək, informasiya texologiyalarından ölçüsüz və səmərəsiz istifadənin təhlükələri haqqında onlara məlumat verməkdir.

Təlimçi Şəbnəm Əliyeva çıxış edərək internetin və texnologiyanın insan həyatına gətirdiyi saysız-hesabsız faydalarından bəhs etdikdən sonra internet və texnologiya aludəçiliyinin insan psixologiyasına mənfi təsirləri, informasıya texnologiyalarından düzgün istifadə qaydaları, sosial şəbəkələrdən şüurlu istifadənin yolları, informasıya texnologiyalarından və internetdən istifadə zamanı vaxtın düzgün idarə olunması və internetdən milli dəyərlərimizin düzgün təbliğat vasitəsi kimi istifadə olunması mövzularında iştirakçılara ətraflı məlumat verib.

Tədbir iştirakşılarına layihə çərcivəsində hazırlanmış "Texnologiyadan ehtiyacın qədər istifadə et” kitapçası, buklet, qələm və bloknot hədiyyə edilib.