Əbülfət Mədətoğlu: BU SƏHƏRİN ŞEİRİ
Mən bu yaz səhərini
Yuxu kimi hiss etdim...
Kirpiyimin ucunda -
Bir içimlik sis getdim...
Nə gerçəyi saxladım
Nə də yuxunu yozdum...
İçin - için ağladım -
Mən Orucumu pozdum...
Tənhalığın ovcunda -
Qəlb oldu sıxılan nar...
Bu səhərki ovsunda -
İnan ki, möcüzə var!..
Bir az yağış çilənir ...
Bir az da Günəş nuru...
Bu səhərdən çıxıram -
Bir az yaş , bir az quru...
... Mən bu yaz səhərini
Sənli anlardan saydım...
Ona görə tərifin -
Bütün dünyaya yaydım!..