adalet.az header logo
  • Bakı 10°C
  • USD 1.7
18 May 2019 12:07
8275
GÜNDƏM
A- A+

Komitə sədri yüksək vəzifələrdə kişilərin çoxluq təşkil etməsindən şikayətləndi

"Dövlət Komitəsi təzə yarananda bir çox insanlar sona qədər gender məsələsini dərk etmirdilər".

Bunu bu gün "Gənclər təşkilatları Dayanıqlı İnkişaf Məqsədləri naminə" mövzusunda konfransda Ailə, Qadın və Uşaq Problemləri üzrə Dövlət Komitəsinin sədri Hicran Hüseynova bildirib.

Onun sözlərinə görə, qadın və qızların cəmiyyətdə xüsusi yer tutması vacibdir:

H.Hüseynova qeyd edib ki, əhalinin yarısını qadınlar təşkil edir.

Əgər qadınlar cəmiyyətin və dövlətin inkişafında iştirak etməsə, hansı inkişafdan söhbət etmək olar? Araşdırmalar göstərib ki, qadınların rəhbərlikdə çox olduğu ölkələr daha artıq inkişaf edib".

Komitə sədrinin sözlərinə görə, elə sahələr var ki, qadınlar kişilərdən daha çoxdur.

"Məsələn, təhsil, səhiyyə və mədəniyyət sahələrində qadınlar daha çoxdur.

Amma bu sahələrdə yüksək vəzifələrdə kişilər çoxluq təşkil edir. Çünki qadınlar öz potensiallarına inanmırlar. İlk bələdiyyə seçkilərində seçilən bələdiyyə üzvlərinin cəmi 4 faizi qadın idi, sonra bu rəqəm 30 faizə çatdı".(modern.az)