viagra sipariş viagra satış viagra fiyatları viagra fiyatı time4bets kaçak bahis canlı bahis güvenilir bahis siteleri izmir escort live bet Film izle hacklink kiralık bahis sitesi satılık bahis sitesi Adalet.az | Kamandar EYVAZLI: Dağların dərmanı Adalet.az | Kamandar EYVAZLI: Dağların dərmanı Adalet.az | Ədalət -
ANA SƏHİFƏ / ƏDƏBİYYAT

Kamandar EYVAZLI: Dağların dərmanı

3597    |   2019-05-16 15:55
Şriftin ölçüsü:
A+ Böyütmək
A+ Balacalaşdır


Günlərim aylara-illərə döndü,

Çəmənim saralmış çöllərə döndü.

Göz yaşım sellənib sellərə döndü

Dağların dərmanı hardadı,Allah?

Kəlbəcər, Zəngilan, Laçın, Xocalı...

Bu dərdim hər dərddən,qəmnən ucalı.

Fikrim dolaşıqdı, yolum haçalı,

Dağların dərmanı hardadı,Allah?

Məcnun dağlarındı, Leyla dağların,

Ən zərif,ən kövrək layla dağların,

Yüz dəfə harayla, hayla, dağların

Görəsən dərmanı hardadı,Allah?

Ovu bərəsində vurulmur daha,

Çeşməsi qaynayıb-durulmur daha,

Məclisi düzəlib,qurulmur daha,

Dağların dərmanı hardadı,Allah?

Yerini bilsəydim, mən gətirərdim,

Tapıb dimdiyimdə dən,gətirərdim.

Yağış gətirərdim, çən gətirərdim,

Dağların dərmanı hardadı,Allah?

Yarpızı dərilmir, otu yığılmır,

Sürüsü mələmir, südü sağılmır,

Yarası köz-közdü, hələ sağalmır,

Dağların dərmanı hardadı, Allah?

Obası elindən ayrı düşübdü,

Ocağı külündən ayrı düşübdü,

Zirvəsi selindən ayrı düşübdü,

Dağların dərmanı hardadı,Allah?

Bu kəndin o kəndə yolu olubmu?

Bu çayın sərhəddi, qolu olubmu?

Burda şimşək çaxıb, dolu olubmu?

Dağların dərmanı hardadı, Allah?

Hər tərəf qaranlıq-zülmət içində,

Durub düşünürəm dəhşət içində.

Dağların özüdü dövlət içində,

Dağların dərmanı hardadı, Allah?

Kamandar qəlbində ayrılıq bəslər,

Bu qismət mənimdi, onu kim istər.

Mən tapa bilmirəm,sən mənə göstər

Dağların dərmanı hardadı, Allah?

Laçından ayrı

Gəzdiyim-gördüyüm anılmaz olub,

Dönüb həqiqətə yanılmaz olub.

Ay Allah,gör necə danılmaz olub,

İllər Laçın deyir, Laçından ayrı.

Nə qədər arzu var, batıb dərinə,

Nə qədər xəyal var düşüb sərinə,

Bayatı yerinə, layla yerinə,

Dillər Laçın deyir, Laçından ayrı.

O kənddə kimsəsiz bulaq qalıbdı,

O yurdda kimsəsiz ocaq qalıbdı,

Dərələr,təpələr çılpaq qalıbdı,

Güllər Laçın deyir, Laçından ayrı.

Qovğası çoxalıb, başından aşır,

Dağlara yağış da, qar da yaraşır.

Sığmır yatağına, qaynayıb-daşır

Sellər Laçın deyir, Laçından ayrı.

Ayrılıq görmüşəm,sonu çatmayan,

Həsrətli görmüşəm, yuxu yatmayan.

Yazından,qışından xəbər tutmayan

Ellər Laçın deyir, Laçından ayrı.

Kamandar, nə deyim mən bu taleyə?

Hər sözüm-söhbətim dönüb gileyə.

Səhər də,axşam da uzanıb göyə

Əllər Laçın deyir, Laçından ayrı.

Laçın həsrəti

Hərdən ürəyimə qəriblik çökür,

Yaman darıxıram Laçından ötrü.

Bir də o yerlərə qaytarır,çəkir,

O dağlar,dərələr, o çiçək ətri.

Çayın laylasında uyuyur Daşlı,

Hətəmlər nə vaxtdı kimsəsiz qalıb.

Yuxarda İmanlar-gözləri yaşlı,

Aşağda Şəlvə var-yiyəsiz qalıb.

Həsrətdən yarpaqlar saralıb yəqin
Yollar yoldan çıxıb, cığırlar itib.

Dörd il yaşadığım səhmanlı evin

İndi daşında da ot-alaq bitib.

Kaha sol əldədi, Dambulaq sağda,

Cəlalı pozulub Hacıxanların.

Könüllər oxşayan baxça da,bağ da

Qısılıb qoynuna tənha dağların.

Buranın baharı başqa bir aləm,

Buranın qışı da qışdı közümdə!

Yatıram,dururam, Laçın deyirəm

Laçın,qurumayan yaşdı,gözümdə.

Günlər keçirmişəm Laçında, Allah,

O günlər bir bütöv ömrə bərabər.

Bir gözəl sevmişəm Laçında, Allah,

Qibtə edəsidi bütün gözəllər.

Zavod,Alıqulu,Pircahan,Şamkənd,

Çorman,Vəlibəyli sinəsi dağlı.

Nə qədər qonağın olmuşam ay kənd,

Nə qədər xatirəm sizlərlə bağlı.

Hələ Novlu bulaq... min dədrə dərman,

Çoxları bu sudan içib, deyirlər.

Qəhrəmanov Musa, Salahov Salman

Artıq bu dünyadan köçüb deyirlər.

İllərdi xəyalım gəzir bu eli,

Bir daha o kəndi görən oldumu?

Meşədə armudu, çəməndə gülü,

Yamacda əzgili dərən oldumu?

Həsrət qürurunu əyib dağların,

Düşübdü zirvədən qartalın səsi.

Ayrılıq xətrinə dəyib dağların,

Qayıt öz yurduna ay ev yiyəsi!

Ulular ad qoyub: Qorçu,Kamallı,

Ad qoyan,adına balan ağlayır.

Dəyişib ovqatı, pozulub halı,

Gözləri yollarda qalan ağlayır.

Ellər ayrı düşüb öz obasından

Kim qurdu,kim tikdi, kim gəzir indi?

Kaman kökdən düşüb, saz havasından,

Hər addım hər yerdə qəm gəzir indi.

Beləmi görmüşdüm belə, Laçını?

Gör orda qaralmış neçə ocaq var.

Siz Allah verməyin yelə, Laçını

Dözmür ayrılığa şair Kamandar.



İmza:
SON XƏBƏRLƏR
2019-08-20
2019-08-19


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa “Linfild” ?

"Qarabağ" (66.67%)
“Linfild” (33.33%)

ÇOX OXUNAN
GÜNÜN LƏTİFƏSİ

Vəli Xramçaylı ilə Akif Əhmədgil (gül kimi Akif Əhməd idi, bu «gil»i hardan gətirib Əhmədə yapışdırdı bilmirəm. Heç ondan sonra da normal bir şer yazmayıb, yazıbsa gətirsin çap edim) bostan oğurluğuna gedirlər. Baxırlar ki, bostanın ortasında bir adam durub. Akif deyir ki, Vəli, gözləyək, adam getsin.

Vəli:

- Ə, adam deyil, müqəvvadı.

- Ə, bir az vurmuşuq, gözünə müqəvva kimi görünür, adamdı.

Vəli:

- Ə, sən sərxoşsan ey, görmürsən müqəvvadı, adam olsa əlində telefon olardı.





digər lətifələr
ARXİV
FACEBOOK