Əbülfət Mədətoğludan yeni şeir: SAHİL XATİRƏLƏRİ
Xatirələr tutubdu
əlimdən sənin kimi...
Susub, lal tək durubdu -
Sahil də mənim kimi...
Ləpələr həzinləşib
Hava da şeh qoxuyur...
Ruhuma , həzin bir səs -
Sanki dua oxuyur...
Xəyalım batıb - çıxır
Dənizin bu cağından ...
Əlim izini yığır -
Dənizin qucağından...
Yaddaşımda ulduz tək
Parıldayır o anlar...
Məni imtahana çək -
Təzələnsin olanlar!..