adalet.az header logo
  • Bakı 14°C
  • USD 1.7
15 May 2019 14:03
8003
GÜNDƏM
A- A+

Mübariz Qurbanlı: "Uşaqların tərbiyəsində filmlərin, bədii əsərlərin seçilməsi vacibdir"

"Biz tələbə vaxtı hind filmlərinə baxardıq. Kinoteatrda çıxanda hamının, xüsusən qızların gözü yaşlı olardı. İndiki uşaqlar isə "Üzüklərin padşahı" kimi fantastik filmlərə baxırlar, anaya, bacıya, ətraf mühitə sevgi kimi hisslər yox olub gedir"

Bunu Dini Qurumlarla İş üzrə Dövlət Komitəsinin sədri Mübariz Qurbanlı "Beynəlxalq Ailə günü”nə həsr edilmiş "Ailə dəyərlərinin möhkəmləndirilməsi cəmiyyətin mənəvi sağlamlığının əsasıdır” adlı konfransda çıxışı zamanı deyib.

Komitə sədri uşaqların tərbiyəsində filmlərin, bədii əsərlərin seçilməsinin vacib olduğunu bildirib.

Mübariz Qurbanlı Azərbaycan filmlərində müsbət qayınana obrazının olmamasına da toxunub: " Mən bir film görmədim ki, müsbət qayınana obrazı olsun. Düşünürəm ki, bu cür filmlər də təsirsiz ötüşmür".