Hermenevtika XX Əsrin fəlsəfəsinin görkəmli cərəyanlarından biridir. Fəlsəfənin bu aparıcı cərəyanının banilərindən biri Hans Qeorq Qadamerdir. Böyük filosofun "Fəlsəfə və poeziya" məqaləsində bir məqam diqqətimi çəkdi. Həmin məqalədən: "Valeri poetik sözü adi sözlərdən fərqləndirmək üçün ağıllı bir pritça düşündü. Gündəlik danışıq sözləri xırda pullara, yaxud kağız banknota bənzəyir, o mənada ki, onlar heç bir dəyər kəsb etmir. Əksinə poetik sözlər Birinci dünya müharibəsinə qədər işlənən məşhur köhnə qızıla bənzəyir və özlüyündə həmişə dəyər kəsb edir."