Qara Dəliyin üçbucaq forması Bermud

"Bermud Şeytan Üçbucağı”nı araşdıran amerikalı alimlər bu anormal bölgəylə bağlı maraqlı bir açıqlama veriblər.

İngilis "İndependent” qəzetində dərc olunan xəbərə görə bu bölgədəki anormallığın səbəbi bölgənin səmasında "təyyarə bombası” təsiri yaradan altıbucaqlı buludlardır. "Təyyarə bombası” təsiri yaradan bu buludlar okeana düşən gücü hava axınlarına səbəb olur. Başqa dillə desək bu günə qədər yaşanan onlarla qəza və itki xəbərlərinin səbəbi bu ani hava dəyişmələri ola bilər.

Bermud Üçbucağı Haradadır?

Sərhədləri dəqiq bilinməsə də Bermud adaları, Floridfa və Porto Riko arasında yaranan üçbucaq bölgə olaraq qəbul edilir. Bermud Üçbucağının olduğu yerdə bir çox qəzalar baş verib. Bu qəzalarla sizi də tanış edirik.

Ellen Austin gəmisi 1881-ci ildə Nyu-Yorkda səfərdə olarkən yiyəsiz bir gəmi tapır. Dörd adam tərk edilmiş gəmiyə keçir və onu Ellen Austin gəmisini bağlayırlar. İki gəmi bir-birilərinə bağlı olduğu halda qısa zaman içində tərk edilmiş gəmi Ellen Austin gəmisindən qopur və qeyb olur. Çox keçmir ki, tapılır, amma içindəki dörd adamı tapa bilmirlər.

BSAA Star Tiger və BSAA STAR Arielin qeybi İngilis və cənubi Afrika hava yollarına aid 2 sərnişin təyyarəsi hardasa bir il fasilə ilə (30 yanvar 1948 – 17 yanvar 1949) Bermud Uçbucağı ərazisində yox olurlar. Təyyarələrdən biriylə əlaqə hələ Bemrud Uçbucağına girməmiş kəsilir.

USS Cyclops qəzası Amerika donanmasının tarixində tək səfərdə ən çox ölüm faktı bu hadisədə baş verib. 309 adamlıq heyətə sahib olan gəmi 1918-ci ildə arxasında heç bir iz qoymadan qeyb olur. Carroll A. Derrinq gəmisi 31 yanvar 1921-ci ildə Bermud Üçbucağı bölgəsində bütün işçi heyəti qeyb olmuş şəkildə tapılır.

Amerika təlim uçuşları zamanı 5 təyyarə havaya qalxır və bir də geri dönmür. Pilotlarla danışıqlar zamanı istiqaməti itirdiklərini deyən pilotlar sonda yanacaqları qurtardığı üçün dənizə düşürlər. Onları xilas etmək üçün yola çıxan bir axtarış təyyarəsi də qeyb olur.

Bermud Üçbucağı rəsmi olaraq tanınmır. Dənizlərdəki ən təhlükəli nöqtə seçiləndə bu üçbucaq siyahıya düşməyib. Səbəbi isə baş verən hadisələrin heç bir sübutu, dəlili olmadığı və heç bir görüntü qeydinin olmamağıdır.