Film izle hacklink kiralık bahis sitesi satılık bahis sitesi Adalet.az | Oğuz Ayvaz: Qonşu qonşunun vayfayına möhtac Adalet.az | Oğuz Ayvaz: Qonşu qonşunun vayfayına möhtac Adalet.az | Ədalət -
ANA SƏHİFƏ / YAZARLAR

Oğuz Ayvaz: Qonşu qonşunun vayfayına möhtac

7674    |   2019-04-23 13:49
Şriftin ölçüsü:
A+ Böyütmək
A+ Balacalaşdır

Dövrümüz insanı, intellektuallar demiş, post insanı tənhalıq zamanını yaşayır.

Ciddi deyirəm, zarafat etmirəm. İnsanı insandan internet ayırdı. Daha heç kim heç kimə qonaq getmir, tez-tez görüşmür. Artıq hər kəsin öz dünyası var. Milyonlarca tənha dünya...

O dünya bizim paralel dünyamızdı. Orda ehtiraslanır, üzülür, sevir, darıxır, gülürük. Ancaq hamısı süni, saxta, simvolik. Hərdən köhnə filmlərə baxıram. 80-85-ci illər Azərbaycan, türk filmlərinə. Ordakı aktyorların üz cizgiləri, gözləri, sağlamlıqları diqqətimi çəkir. Necə də məmnun, mutlu, nikbin görünürlər. Bəlli olur ki, o dövr insanı real münasibətlər, həqiqi sevgilər, gərçək sevinclər, ünsiyyətlər yaşayırdı.

Yaratdığımız tənha dünya bizi durmadan çağırır: bizim Tanrımız sənsən, gəl bizi idarə elə.

Axı niyə dövran dəyişdi? Niyə biz bir-birimizdən min kilometr uzaq düşdük? Halbuki bu qədər yaxın ola-ola... Axırıncı dəfə qonaq getməyim yadıma düşür. Süfrə açılıb, hər kəs yemək yeyir. Gördüm ki, hamı tez-bazar yeyib qurtarmaq istəyir. Yeməyin ləzzətini almırlar. Kənara qoyduqları telefonları səs çıxardır: mesaj gəldi, zəng gəldi...

Qonaqlıqda ağsaqqal bir kişi divanda tək başına oturub gözünü döyürdü. Qarınları doyan ev əhli öz dünyalarına çəkildilər. Ağsaqqalın yanına keçdim. Düz üç saat fasilə vermədən söhbət etdik. Necə ləzzət elədisə qonaqlıqdan getmək bilmirdim. Kişinin uşaqlıq illəri, əsgərlik, ruslar, eston qızları...

Daha qonşu qonşunun külünə yox vayfayına möhtacdı. Doğurdan da elədi. Neçə dəfə təzə qonşu qapımızı döyüb, deyib ki, vayfayınızın kodunu deyərdiniz. Bax beləcə bu dövr insanı tənhalaşır.

İndi dünya depressiya dövrünü yaşayır. Qloballaşma, soisallaşma adlı o qədər tədbirlər, konfransalar keçirilir, məqalələr yazılır. Hamısının da bir mesajı var: insan tənhalaşsın!

İnternetin yayılmadığı zamanları xatırlayıram. Hələ onda diskə, video kasetlərə marağımız vardı. Bir film üçün, mahnı üçün dükan-dükan gəzirdik. Qardaşımla Kamal Sunalın filmlərini şəhərdə axtardığımız günlər. Necə də böyük həvəslə onun filmlərini tapmağa çalışırdıq. Tapanda da uşaq kimi sevinir, evə tələsirdik. Yaxud da Sezen Aksunun, Elvis Preslinin mahnıları üçün...

Qərara gəlmişəm. Artıq hər həftə tanıdığım adamların evinə qonaq gedəcəm. İnternetdən işim üçün istifadə edəcəm. Feysbuku gündə 1-2 saat istifadə edəcəm.

Dostlarımı yenidən qazanmağa çalışacam. Amma nə faydası olacaq? Dünyanı dəyişə bilməyəcəm. Yenə insanlar internetdən sevdiyi adamlar kimi yapışacaq.

Kaş insanlar kitab xəstəliyinə tutulardı. Hər kəs oxuduğu əsərlərdən danışardı. Bunun üçün görüşərdik. Onda da ədəbiyyat ədəbiyyat olmazdı, hə?

Bəlkə siz düşünəsiniz, neyləyək? Neyləyək ki, insanlar bir-birlərinə qarşısın. Təklifləriniz varsa, yazın, elan edin.

Mən demirəm ki, internetsiz dünyada yaşayaq. İnterneti intellektimizi inkişaf etdirmək üçün istifadə edək. Yaşamağa, münasibətlərə, ünsiyyətlərə daha çox zaman ayıraq.



İmza:

YAZARIN ARXİVİ

2018-07-19 : Aciz yazıçılar
2017-10-16 : Anamın oxşarı
2017-10-03 : Mən heç kiməm
2017-06-19 : Atama məktub
2017-01-18 : Atama məktub
2016-10-03 : Eşq romanı
SON XƏBƏRLƏR
2019-09-23
2019-09-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK