adalet.az header logo
  • Bakı 11°C
  • USD 1.7
22 Aprel 2019 14:31
9628
SİYASƏT
A- A+

İlham Əliyev Şri-Lanka prezidentinə başsağlığı verdi

Prezident İlham Əliyev Şri-Lankanın prezidenti Maytripala Sirisenaya başsağlığı verib.

Adalet.az-ın məlumatına görə, başsağlığı məktubunda deyilir:

"Hörmətli cənab Prezident,

Ölkənizdə törədilmiş partlayışlar nəticəsində çox sayda insanın həlak olması və yaralanması xəbəri bizi olduqca kədərləndirdi.

Biz bu dəhşətli hadisədən son dərəcə hiddətlənir, terrorizmi qətiyyətlə pisləyir, onun bütün təzahürlərinə qarşı mübarizədə beynəlxalq birliyin səylərini dəstəkləyirik.

Baş vermiş faciə ilə əlaqədar Sizə, həlak olanların ailələrinə və yaxınlarına, bütün Şri-Lanka xalqına öz adımdan və Azərbaycan xalqı adından dərin hüznlə başsağlığı verir, yaralananların və xəsarət alanların tezliklə sağalmasını arzulayıram".